Page 13 - BNDIA ARUBA

A13
RIBA CAYA/HENDE Diaranson 22 Mei 2019

Auto a dal brommer pariba di Well Well

SANTA CRUZ - Diamars merdia Riba caminda prin-
cipal di Hooiberg pa Santa Cruz pariba di well well ta
sosode un accidente unda auto a dal contra un brom-
mer.

E motociclista para na e T-weg a haya chens pa subi camin-
da for di dos auto, y un march a bay pasa otro y dal contra
e brommer. E motociclista a dal abou y keda herida. Tanto
Ambulance como polis a yega basta lihe na e sitio. Paramed-
ico a atende di biaha cu e victima benta abou stabilis’e y a
transport’e pa hospital. Polis di trafico tabata presente pa haci
nan investigacion.

Homenahe artistico di pintornan ‘famoso’ pa modelo

ORANJESTAD - Pintor Arubiano Gustav Nouel cu ta
biba na Deventer, ta un di e 25 artistanan famoso cu a
ser invita pa e exposicion nacional ‘Mathilde in Ruurlo’.

E comision organisado ta bisa cu unicamente artista famoso a ser
invita, di henter Hulanda, pa e homenahe nacional pa e famo-
so modelo Mathilde Willink. (check www.mathildeinruurlo )
Ademas di un (of mas) obra di arte inspira pa e modelo ‘mítico’
Mathilde, como tema central, tur 25 artista Hulandes famoso
invita pa e exposicion nacional aki, por a expone dos ‘obra liber’.

Den su mes estilo, e famoso pintor Arubiano Gustave Nouel
(www.gustavenouel.com), a interpreta e pintura: ‘Despedida
di Mathilde’ como homenahe na e famoso modelo Mathilde.
Inspira pa e ultimo pintura cu e pintor genial Carel Willink a
pinta, prome cu e morto tragico di Mathilde, su casa y musa
38 aña mas jong cunele.

Na Ruurlo, Nouel ta exponiendo tambe un pintura di Rey
Willem Alexander, y pa prome biaha, tambe su pintura cu al-
gun tempo pasa a gana ‘premio publico’ na Hulanda den un
concurso nacional di ‘street-painting’.

E exposicion aki, di maximo nivel, por ser admira te cu 22 di
juni den galeria ‘De Smidse’. Entrada unicamente 5 Euro.