Page 10 - awem

10 AWEMainta Diabierna, 20 Januari 2017

Otmar Oduber:

Orguyoso di mira

organisacionnan traha hunto pa

gran celebracion di Carnaval 63

EX Minister encarga cu Cultura no a sconde su pensamento riba Carnaval
63 su celebracion cu ta bayendo hopi positivo y cual e ta spera por continua
den e direccion aki. E bon comunicacion y positivismo ta resultado di
esfuersonan grandi cu a wordo haci pa mehora relacion entre SMAC,
Musica y AMA.

“Mirando e eventonan cu ya a pasa y esunnan cu ta premira
pa tuma luga den e proximo simannan, mi kier a tuma tempo
pa gradici tur instancianan envolvi. Instancianan cu desde
aña pasa ta reuniendo, combersando y negociando cu otro.
Ta papia di instancianan madre manera SMAC cu ta e or-
ganisado di Carnaval, pero tambe di Musica y AMA.
Esakinan ta e tres organisacion principal cu ta envolvi den
loke ta trata organisacion di nos Carnaval pa aña 63. No
ta desconoci cu e ambiente entre e tres organisacion no
tabata positivo tur tempo cual a conduci cu hasta no
tabatin un Caiso & Soca Monarch na celebracion
di Carnaval 62, pa motibo cu nan no por a yega na
acuerdo. Mi ta masha orguyoso cu a base di e dia-
logo, informacionnan y reunionnan cu a tuma luga
aña pasa, awo ta mira un Carnaval caminda cu tur e
tres organisacion ta trahando estrechamente cu otro
sumamente positivo.”
Hopi atencion y esfuerso a wordo poni den e relacion
di e tres organisacionnan y sr. Oduber ta enfatisa cu
e ta contento cu na ultimo nan por a yega na otro.
Importante pa menciona ta cu tanto AMA y Musica
ta forma parti di SMAC tambe y por mira resultado
di esey. Tambe e ta orguyoso di mira e gran cantidad
di participantenan cu tin pa Caiso & Soca Monarch
e aña aki, el a bisa, agregando, “Cu sigui asina, ta
pone nos Carnaval bek na e nivel cu nos a conoce
pa hopi aña.”
Mester bisa cu e positiviso aki ta refleha su mes tambe
si wak e gran cantidad di participantenan cu tabatin
den e paradanan cu ya a tuma luga y esunnan cu a
inscribi pa Tumba tambe. Mester menciona claro e
gruponan di Carnaval y tur organisacion cu ta trah-
ando pa haci Carnaval 63 grandi un biaha mas.
Carnaval ta un di e prome actividadnan/eventonan
economico di mas grandi na Aruba. P’esey mas posi-
tivo e draai, no solamente pa e parti di Cultura e ta
bon, pero pa e parti economico tambe ta sumamente
importante pa Aruba.
No por lubida riba instancianan y departamentonan
di Gobierno cu ta forma parti di henter e organisacion
aki manera nos Cuerpo Policial, Ambulance, Cruz
Cora, DTI, DOW, Salubridad y boluntarionan cu a
base di e mesun coordinacion y comunicacion cu tin,
por duna resultado cu awo ta hibando na un Carnaval
hopi positivo cu ‘bon vibe’. Ta spera cu pa e proximo
simannan tambe e por continua den e direccion aki,
sr. Oduber a termina ta bisa.