Page 17 - AWEMAINTA
P. 17
Dialuna, 18 Februari 2019 AWEMainta 17
Habitante cu sorpresa desagradabel, ora
el a haya sa cu ladronnan a drenta su cas
DIADOMINGO merdia pa mas o menos
2:30, despues cu Parada di Mucha na Oranjes-
tad a cuminsa, ladronnan tambe a bira activo.
Un habitante di Nieuwstraat a yega su cas y me-
sora a ripara algo no ta bon, porta di cura di e
cas tabata habri.
Ora e habitante a cuminsa tira bista rond,
el a mira cu algun shutter di un bentana
parti pariba di e cas a wordo saca of kibra.
Eynan ta caminda cu ladron of ladronnan a
drenta y reboltia den e cas. Polis a wordo yama
y na nan yegada e habitante a bisa Polis cu loke
e ta haya falta te n’e momento eynan, ta un ho-
loshi di oro.
Mucho cos Polis no por haci e ora eynan, y a
tuma mas dato posibel y a continua nan patruya.
E doño si despues te trabou di bay ruim op tur
loke e ladronnan a reboltea.
Pelea pazuid di caminda, durante cu Polis tabata
atende accidente serio na Wintergarden
DIABIERNA anochi durante
cu Polisnan tawata atende e ac-
cidente di bromer na Wintergar-
den, a start un pelea entre dos
automobilista pazuid di camin-
da. Esaki tabata momento cu e
trafico mester a pasa riba e tera,
y dos chauffeur a baha discuti
y despues por a mira stof bay
halto.
Mokete a cay y esnan n’e sitio a
cuminsa grita Polis cu tin pelea.
Mesora un agente cerca a yama
y mas Polis a yega pa stop e dos
partidonan.Polis a papia cu am-
bos y cos a calma y nan a sigui
nan caminda, tur esaki pa moti-
bo cu e trafico lo a pega un rato.
