Page 12 - AWEMAINTA

12
Chauffeur cu a hit & run dos diferente caminda
deteni na Tanki Leendert, despues di un persecusion
Dos homber deteni despues di pelea na
Sand Bar cu supuestamente arma envolvi
AWEMainta Dialuna, 18 Februari 2019
DIABIERNA anochi pasa di 11’or Polis a start un buskeda
pa un BYD color berde/geel, e auto aki a hit and run altura di
RCA y despues banda di WEMA Ponton.
Polis mesora a cuminsa busca e chauffeur, cu pa algun rato
nan a perde. Despues di algun minuut, informacion a cum-
insa drenta cu e auto lo tabata bayendo direccion pariba na
Piedra Plat.
Momento cu el a sinti tin auto tabata su tras, el a bira bin
bek direccion rotonde Paradera. Pasando rotonde Paradera
bayendo pa rotonde Tanki Leendert, e ta falta un tire dilanti
banda robes.
Asina mes sin tire, e tabata bay cu velocidad halto pabou y
huma saliendo di e auto. Dilanti Centro di Bario Tanki Leen-
dert Polisnan a logra blocki’e, y ta detene mesora.
E chauffeur tabata bou influencia, pero no manera un hende
cu no por para mes riba su pia. Kico a drenta den e cabes di
chauffeur aki pa haci full e drama cu su auto no ta conoci. Un
cos ta sigur, awor e tin mas gasto riba su cabes.
Algun chauffeur e alcohol ta hopi mas importante pa nan cu
nan bida mes of di otro.
Kizas si Parlamento bin cu un ley di 2 strikes out, e proble-
manan aki lo pasa pa pasado.
DIASABRA madruga den careda di 2’or, Polis ta bay poco pura San
Bar, unda tin of tabatin cu probablemente arma di candela envolvi.
Na yegada di Polis esnan cu lo a bringa no tabatey mas. Algun minuut
mas laat Polis ta topa cu dos persona cu ta cuadra cu e descripcion.
Nan tabata den un Lexus, ambos a wordo baha di e auto y a bay over na
listanan. Den e auto nan a haya droga y Polis a confisca esaki.
Eynan mes ambos homber a wordo deteni y despues cu e transportwa-
gen a yega nan a ser transporta pa Warda di Shaba. Pa loke t’e arma di
candela, esaki no a wordo haya.