Page 10 - AWEMAINTA
P. 10
10 AWEMainta Dialuna, 18 Februari 2019
Ciclista seriamente herida cu
fracturanan serio na pols, na rudia,
tambe hopi sla na cabes
DIADOMINGO den oranan di mainta ta sosode un
accidente serio na Yara, caminda un ciclista ta dal hopi duro
tras di e auto su dilanti y ta keda seriamente herida. Mesora
ta manda Polis y ambulance n’e sitio.
Na yegada nan ta bin topa cu e ciclista seriamente herida, cu
fracturanan serio na pols, na rudia te cu su weso tabata visibel,
tambe el a haya hopi sla na cabes.
Segun e chauffeur di e BYD blanco a splica Polis, cu e tabata
biniendo di pariba, el a brake pa bay lora y na momento cu e
tabata wardando dos auto pasa p’e por lora, e ta mira e ciclista
ta bin patras cu velocidad halto y pa un motibo of otro no a
brake na tempo y a dal hopi duro patras di su auto.
E impacto tabata asina fuerte cu el a kibra e glas di patras di e
auto y e bicicleta a keda parti den dos.
Cu hopi urgencia personal di ambulance a transporta e vic-
tima pa hospital, su situacion ta serio y a pidi pa presencia di
Departamento Tecnico di Polis n’e sitio.
Altezza a keda completamente
destrui, despues di a bolter
pariba di Aeropuerto
DIABIERNA pa mas o menos 10:30 p.m, informacion a drenta cu
un auto a bolter. Esaki a sosode poco pariba di e hotel den construc-
cion otro banda di Wayaca Falls.
Segun informacion, e auto un Altezza bayendo direccion Oranjestad
pa un of otro motibo a perde control. Esaki a causa cu el a kita bay na
su man robes, dal un pal’i luz kibra pasando over di e separacion di
caminda di Green Corridor. Pa na final bay cay den un bahada pazuid
di caminda.
E Altezza a keda completamente destrui. A pidi presencia tambe di
materiaalwagen di Brandweer pa yuda. Polis mester a cera e caminda
pa un rato. E chauffeur a wordo transporta cu ambulance pa hospital.
