Page 9 - AWEMAINTA
P. 9
Dialuna, 18 Februari 2019 AWEMainta 9
Guarda Nos Costa cu varios detencion na sitio di construccion
DIASABRA den oranan di merdia pa atardi personal
di Guarda Nos Costa tabata activo, den area pabou di
brug.
Diasabra nos por a capta algun imagen di nan accionnan,
cu tabata pariba di casnan di pueblo na Sero Patrishi,
esta den Purun.
Den Purun tin construccion di varios cas tumando lugar
y hopi persona haciendo e trabou di construccion.
Eynan GNC a yega, y mesora tabatin coremento na pia.
Agentenan di GNC, esnan cu e mihor condicion fisico a
sali nan tras y asina a haci varios detencion.
Situacion na Venezuela ta horibel, y hopi di nan ta sali di e
pais pa un mihor biba, pero mester compronde cu tin ley.
Pero lamentablemente no ta tur ta sigui e pasonan nece-
sario cu pais Aruba tin pa ley di stranheria.
Esnan cu a wordo deteni lo controla nan papelnan den
sistema di GNC, y esnan cu ta ilegal riba e isla lamen-
tablemente lo wordo manda bek nan pais. Y esnan cu a
emplea nan lo tin cu carga cu e consecuencia cu esaki ta
trece cune.
