Page 4 - AWEMAINTA

4 AWEMainta
Alexis a sali liber na juli, 2018 y mesun luna a wordo deteni pa dos atraco
HUES tin dos caso pisa di atraco pa evalua si e pruebanan
ta suficiente y convincente ya cu e acusadonan mes ta nenga
di ta envolví. Un di e casonan aki ta contra e hoben Alexis B
di apenas 21 aña, kende a cana drenta Corte bisti cu un jeans
cu ta colga lagando visibel tur su ropa interior.
Presente tabata su mama y ruman.
Alexis a bisa: “mi ta haya cu ora un persona comete un delito
e mester wordo castiga. Pero ami no a comete e delitonan di
cual mi ta wordo acusa. Mi a wordo deteni djis pasobra mi ta
color scur y tin barba manera e denunciante a bisa. Pero mi
ta sigura boso cu ami no a comete e atraco na Citgo Savaneta
ni esun na Tanki Leendert.”
Hues mesora a bisa cu tin demasiado cosnan casualidad den
e caso aki.
E dos atraconan a wordo cometi na juli, 2018, cu tres dia
di diferencia di otro. El a wordo deteni después di e di dos
atraco, na Savaneta. Durante a atraco na Tanki Leendert a
uza un schroefdraaier como arma y no a menciona e cantidad
di placa cu a bay cun’e. For di e ultimo aki e atracado a bay cu
casi 2 mil florin, y prome cu e bay for di e sitio a los un tiro.
E acusado aki a wordo deteni na momento cu el a presenta
na Warda di Polis San Nicolas pasobra net e anochi ey cu el a
presta e auto di su mama, esaki a wordo horta ora cu el a haci
na e bario Julio na San Nicolas. E denunciante a reconoce
como e atracador.
Segun e denunciante a bisa e Polisnan, ta trata di un homber
color scur cu barba, kende a huy den un auto manera color
biña. E descripcion aki ta cuadra cu e auto di mama di e
acusado. Pero e acusado no tabata contento y a bisa cu e Re-
cherchenan no a haci trabou manera debe ser.
Dialuna, 18 Februari 2019
Asina e ta kere cu nan mester a pone e denunciante haci un
reconocemento di e atracado poniendo diferente persona di e
mesun descripcion su dilanti of via potret. Pero esaki e Polis-
nan no a haci.
Ya caba na december aña pasa por poco el a wordo deteni y
condena pa un atraco cu e no a comete. Tabata trata di un
atraco cu a wordo cometi na Ponton, pero Hues a bis’e cu
e caso ey no a bay door pasobra no tabatin prueba. “Mi ta
compronde cu mi haci malo of comete un delito, mester cas-
tigami. Pero no ora cu mi no a haci nada.”
Hues a dicidi di repasa e Procesverbaal (PV) unda cu e de-
nunciante a declara cu riba e fecha en cuestion a yega un auto
cu dos persona. Un homber hopi jong a baha cu un arma den
su manda y a pidi pa entrega placa. Prome cu el a bay el a
los un tiro. E denunciante a logra coy number di e auto y a
resulta cu e number aki ta riba nomber di mama di e acusado
Alexis.
Despues di e atraco, prome cu Alexis a presenta na Warda pa
haci denuncia di robo di e auto, Polisnan a persigui e auto aki
cu tabata envolvi den e atraco. Finalmente e auto a dal den
un muraya y e dos personanan a huy na pia den mondi. Pa
casualidad den area unda cu e acusado y su mama ta biba.
Segun e ta bisa, el a bay na Julio’s pa bebe algo y net saliendo
el a mira desconoci(nan) bayendo cu e auto di su mama cu el
a presta. Den e parti aki tin henter un confusion den infor-
macionnan. E acusado ta bisa cu elo a core tras di e auto ora
cu e ladronnan tabata bayendo cun’e. Pero nada di esaki ta
wordo mira riba camara di siguridad cu tin na oficina di dr.
Eevery. E acusado a bisa “esaki ta otro mentira pasobra no tin
camera na e dokter su oficina”.
Tambe tin declaracion di padrastro di e acusado, kende a bisa
cu el a scucha Alexis ta papia den pura y scondi cu un otro
persona y a mira nan ta core.
E atraco na Tanki Leendert tambe e ta nenga di ta envolvi,
pero ora cu Recherchenan a revisa camara di siguridad di e
negoshi ta reconoce Alexis como e persona cu e scfroefdraaier
den man. Hasta tin declaracion di su amiga, kende a bisa cu
el a tende cu Alexis a comete e atraco.
Loke cu a hala atencion ta cu e hoben aki tabata envolvi den
un atraco na 2016 pa cual el a wordo condena y a sali liber
na juli, 2018, e mesun luna cu el a wordo deteni bek pa e dos
atraconan riba e pompstationnan.
Dia 8 di maart e acusado lo tende si Corte ta bay di acuerdo
cu e demanda di Fiscal pa e wordo cera pa 6 aña largo.