Page 38 - MIN VOS

Exitoso Dia Pedagogico pa Centronan di Cuido di Mucha!

Friday, 05 May 2017 16:29
Comparti

Recientemente, Fundacion Pa Nos Muchanan (FPNM) a organisa su di tres Dia Pedagogico. E dia aki ta
un dia di estudio pa tur persona cu ta traha den un Centro di Cuido di Mucha. 161 lider (leidster) di
diferente Contronan di Cuido di Mucha a participa na e tayer. Tema di e dia tabata: "Un misión mas
movesion!" cual e aña aki tabata bou encargo di e team di Reach Your Goal Foundation (RYG).

Meta principal di e dia tabata pa enfatisa riba e importancia di movecion den un Centro di Cuido di
Mucha. A habri e mainta bailando cu un “dance warm up” pa drenta den e tema di e dia. Despues e
lidernan a wordo reparti den 8 grupo, cada un a participa den 8 diferente wega recreativo di
Teambuilding. Meta di esaki tabata pa reinforsa e colaboración di e team grandi di lidernan cu ta colega
di otro aunke nan no ta traha den e mes un Centro. Despues di un lunch cortico a sigi cu información
tocante desaroyo físico di muchanan entre 0-12 aña y loke un líder por haci pa stimula esaki den su
grupo. E dia a continua cu diferente sesión di “Beweegkriebels” (actividadnan di movecion dirigi riba
muchanan di 0-4 aña y Beweegplezier (actividadnan di movecion dirigi riba muchanan di 4-12 aña)” A
clausura e mainta cu un medalla pa cada líder cu a participa na e Dia Pedagogico.

FPNM kier felicita e centronan cu a participa cu tanto enthusiasmo y tambe gradici mayornan di e
centronan aki pa nan cooperacion pa asina e lidernan por tuma parti na e dia di estudio durante un dia di
trabou. FPNM ta gradici, Superfood, CMB, Ennia y Renaissance Hotel pa nan tremendo donacion cual a
yuda haci e dia aki posibel y e team di RYG pa nan tremendo contribución na e actividadnan. Na 2018,
FPNM lo organisa Dia Pedagogico un bes mas pa tur centro di mucha inscribi riba su lista.

http://www.24ora.com/index.php?option=com_content&view=article&id=121499:exitoso-dia-
pedagogico-pa-centronan-di-cuido-di-mucha&catid=1:local&Itemid=5