Page 41 - AVP

Gabinete Otmar Oduber Ta Forsando Cambio Di Ley

Di Serlimar

 Local
- 01/10/2019

Gabinete Wever Croes ta pensa riba sobrebibi solamente

Melvin Tromp di partido AVP ta mustra cu for di momento cu Minister Otmar Oduber a
anuncia su retiro na luna di december proximo, pueblo awor ta wordo confronta cu dos
Gobierno den un Gobierno di coalicion.

Melvin Tromp ta kere cu pa loke ta resta di e periodo di gobernacion di Minister Oduber,
e lo ta heer en meester den un Gobierno cu ta luchando mas tanto pa sobrebibi y keda na
poder, cu lucha pa interes general di e pueblo di Aruba.

“No por mira e cosnan aki for di otro, ya cu for di momento cu Minister Otmar Oduber a
anuncia su retiro, tur hende cu conoce e mandatario aki, ta realisa cu den e dos luna y
mey cu ta sobra di su mandato, Minister Oduber lo forsa na rergla tur loke e kier regla, ya
cu practicamente e lo no haya resistencia for di Gabinete Wever Croes of di e otro dos
fraccionnan den Parlamento cu hunto cu su fraccion di POR ta forma e actual coalicion.

E cambio di ley pa loke ta Serlimar ta ehempel di esaki ya cu mirando e periodo cortico
cu e falta ainda na poder, e lo haci tur, pero delaster un cos pa acomoda su hendenan,