Page 43 - AVP

Esaki lo bay bira e modus operandi di Minister Oduber te dia cu e baha como Minister
caminda p’e tempo ey e lo a regla tur cos pa amigo y sponsornan di su partido, mientras
cu personalmente e mes lo ta cla p’e tempo ey sigurando su futuro financiero den
diferente forma.

Ta un berguensa con den dia cla pueblo por mira desaroyo di e tiponan aki tuma lugar y
pueblo simplemente no tin un Parlamento cu ta para cu pueblo, pero cu ta pensa
unicamente con pa mantene un Gobierno cu practicamente no tin derecho di existencia.

Medida tras di medida, caminda ningun caminda por mira con Gabinete Wever Croes ta
pensando riba pueblo of ta sali na vanguardia di un pueblo formalmente castiga caba y
awor ta permiti un Minister defini no solamente kico ta bay pasa den e Gobierno actual,
pero ta determina ki ora y con tur cos lo tin cu tuma lugar.

Gabinete Wever Croes tin problema serio cu Hulanda, cu CFT, cu gremionan comercial,
cu maestronan, cu pensionadonan y cantidad di otro grupo mas, pero complace e capricho
di Minister Otmar Oduber tin cu wordo atendi prome cu tur otro cos, hasta si Gabinete
Wever Croes mester haya un aanwijzing.

“Mas claro no canta un gallo’ ta un dicho conoci y pueblo por mira atrobe con ainda no ta
su turno pa haya alivio ya cu otronan tin cu bin prome cu pueblo y ta na su lugar pa nos
bisa cu Gabinete Wever Croes awor ta consisti di un coalicion den e Gobierno di
coalicion ya cu ta bon bisto cu Gabinete Otmar Oduber lo tin e poder riba Gabinete
Wever Croes pa loke ta resta di e mandato di Minister Otmar Oduber,” sr. Melvin Tromp
ta mustra.