Page 12 - Djaweps 20 september 2018.pdf

12 Djaweps 20 Sèptèmber 2018
Asesinato i Morto den tráfiko te ainda ta ménos ku aña pasá

Generalmente kriminalidat a

baha kompará ku añanan atras

Sifranan di kriminalidat te ku ougùstùs komprobá

WILLEMSTAD.- Ayera durante
di un konferensia di prensa hefe di
Kuerpo Polisial Kòrsou sr. Mauricio
Sambo a duna informashon i detaye
tokante sifra di kriminalidat di aña
2018.
A registrá tur e sifranan te ku
luna di ougùstùs. Sifranan ta
yuda duna un bista den e maneho
nesesario.
Pa medio di sifranan por detektá
na unda e situashonnan di atenshon
ta i tambe p’asina determiná kon ta
hasi mihó uso di bo kapasidat pa
kombatí kriminalidat riba nos isla.
Ku esaki na bista tambe kada
kuartal Kuerpo polisial i Ministerio
Públiko ta reportá tokante e
desaroyonan di siguridat den e
asina yamá “driehoeksverleg”.
Mas di aserka ta enfoká riba e
5 temanan di siguridat; aña pasá
tambe a reportá riba e temanan aki.
Asesinato
Den e promé mitar di 2018
Kòrsou a konosé ménos morto a
konsekuensia di violensia ku e aña
anterior (esta 14 na 2018 kompará
ku 20 na 2017).
E aña aki ta pronostiká un total
di 21 asesinato kompará ku 28 aña
pasá.
E sifranan di Kuerpo Polisial di
Kòrsou ta registrá te ku ougùstùs.
Pero den e promé siman di
sèptèmber Kòrsou a konosé otro kaso di
asesinato.
Konsekuentemente awor e sifra ta para
na 15 víktima di asesinato.
Komparando esaki ku aña pasá, tur
e víktimanan di aña 2018 tabata hende
hòmber miéntras ku na aña 2017 1
persona ku a pèrdè su bida den e promé
8 lunanan, pues te ku ougùstùs tabata
hende muhé.
Morto den tráfiko
Pa loke ta trata morto den tráfiko e
promé mitar ta similar na e aña anterior.
Te ku awor (luna di ougùstùs) kua
registrá e sifranan, Kòrsou a konosé 9
morto den tráfiko e aña aki.
Miéntras ku aktualmente e sifra ta para
na 10 debí na un morto den tráfiko mas ku
a keda registrá despues ku Kuerpo Polisial
a sera registrashon di e promé lunanan.
Komparando esaki ku aña pasá, den e
promé lunanan, na aña 2017 e kantidat
tabata mas tantu.
Aña pasá den e promé lunanan, unu
di e personanan ku a pèrdè nan bida den
tráfiko tabata hende muhé, miéntras ku
pa aña 2018 e kantidat di hende muhé ku
a pèrdè nan bida den tráfiko te ku awor
ta dos.
Pa aña 2018 ta pronostiká un total di
13 morto den tráfiko kompará ku un total
di 18 morto den tráfiko na aña 2017.