Page 17 - AM190223

Diasabra, 23 Februari 2019 AWEMainta 17

Preparando pa Concierto di Ana Gabriel

DEN un conferencia di prensa dialuna atardi, team di production di

concierto di Ana Gabriel riba nos isla a haci tur rumor oficial! E gran artista
di taya international Ana Gabriel lo ta na Aruba pa un concierto pa dia di
mama 11 di Mei 2019.

Despues di mas o menos 1 aña di a inicia e contactonan pa haci esaki posi-

bel, AWOR ta e momento! Ana Gabriel ta di gira mundial cu su tour yama:
Estamos a tiempo y a honra Aruba incluyendo nos isla den su gira unda cu
e lo presenta cu su banda completo y tambe su mariachi. Durante di e con-

ferencia di prensa a anuncia tambe cu e concierto lo tuma lugar den Enter-

tainment Center na Dakota mirando cu e ta e luga adecua pa e logistica cu e
concierto di un magnitud asina ta trece cun’e. Na mes momento a anuncia e
diferente seccionnan cu lo tin durante e concierto, esta: VIP plus, VIP, VIP

Seating y General. Den e cuadro aki, FunMiles tambe a haci e gran anuncio

di ta forma parti di e concierto y lo ta e unico agente cu lo bende ticketnan
general EARLY BIRD.
E ticketnan special aki lo wordo bendi durante di e siman di 8 -17 di maart

na oficinanan di FunMiles pa solamente 95,- florin!!

Esaki ta ekivalente na 4750 Funmiles of un combinacion di 500 Funmiles y
85,- florin. Banda di esaki Funmiles SO lo bende entradanan general na 125
florin ekivalente 6250 Funmiles y VIP Seating na 200 florin cu ta mescos

cu 10.000 Funmiles. Prijsnan normal pa carchi general ta 150 florin y VIP

seating 225 florin.
Por ultimo tambe durante di e conferencia di prensa a haci apertura oficial
di Ana Gabriel Boutique na unda bo lo por cumpra diferente mercancia

manera tshirt, petchi, mug, serbete, usb y mas cu claro bo entrada pa e con-

cierto sea ta general of mesa.
Pa finalisa un biaha mas ta haci un yamada na pueblo di Aruba pa busca bo
ticket y reserva bo mesa no ora mirando cu ya caba e interes pa Ana Gabriel

ta uno hopi grandi. Pa mas informacion por yama na cell +297 5686283

i app riba 5999-5102917 of bishita nos pagina di FaceBook Ana Gabriel
Concert Aruba