Page 5 - DIMP

Frans Ponson Di Do It Center – Aruba Ta Unico Pais

Na Mundo Cu Ta Cobrando Pueblo Un Tax Y Ta Paga

Tax Riba E Tax

 Local
- 28/08/2019

Frans Ponson di Do It Center, ta un otro miembro di Comerciantenan Uni y a comenta cu
e ultimo dianan cu Comerciantenan Uni a post algun video y informacion riba media,
esaki a trece hopi reaccion di pueblo.

Loke a hala nan atencion ta cu Minister di Finansa, Xiomara Ruiz Maduro a publica cu si
comerciante no cobra e 6.38% nunca e lo a bin cu e ley nobo pa scondi’e. E solucion ta
masha simpel, segun Frans Ponson.

Minister di Finansa, Ruiz Maduro si e sali mañan dilanti y bisa cu for di mañan no mester
paga nada na Gobierno, tax riba e tax. Si bende algo 100 floin y BBO ta 6, por cobra 6 y
paga 6 na Gobierno y no riba 6 cu ta cobrando pueblo, ta bolbe duna Gobierno 6.

Na Corsou e yama OB (Omzetbelasting). Na Corsou e ta un belasting riba e Omzet.

E omzet t’e producto cu a bende, no producto cu a bende plus tax.

Na Aruba t’e unico lugar na mundo y por ta Sint Maarten ta sigui, cu ta cobrando pueblo
un tax y ta paga tax riba e tax.