Page 8 - DIMP
P. 8
Reforma Fiscal: Sigui Cu BBO Of Cambia Pa Sales
Tax?
Local
- 28/08/2019
E siman aki Deloitte a organisa un seminario riba e ultimo desaroyonan fiscal riba nos
isla. Un grupo di Fiscalista, Bankero y ehecutivonan den mundo financiero a atende
esaki.
Un di e oradornan invita tabata mr. Luenne Gomez-Pieters, Director di Departamento di
Impuesto (DIMP) di nos pais.
El a contesta varios pregunta for di sala relaciona cu Reforma Fiscal cu ta
implementando. Gobierno ta cla pa un di dos buelta den e Reforma Fiscal, programa pa
drenta na vigor otro aña.
E portal 24Ora.com a cubri e seminario aki y cu nan colaboracion, AWEMainta ta trece
publicacion di locual cu Director di DIMP a comenta.
E discusion cu a surgi awor ta riba e formula cu lo uza pa cobra e fondonan adicional cu
Gobierno lo kier yega na dje.
Camara di Comercio a sali bisa caba di ta na fabor pa un modelo di Salex Tax mescos cu
Merca. Nan ta sinti cu e formula ey lo cumbini comercio mihor.
