Page 20 - DJASABRA 5 YANUARI 2019.pdf

20 Djasabra 5 Yanüari 2019

Sharineska (Neka) Florencia

Lijken verzorgster (enfermera di defuntu)
Defuntu su kurpa a kue Kippevel

Sharineska Florencia ku tur hende konosé komo Neka ta Lijken verzorgster.
Esta enfermera di defuntu. I no kere ta sin mas ta yega drecha un defuntu,
mester bai un estudio spesial pa esaki. I Neka a konta Djasabra ta kon esei
a sosodé.
El a splika ku for di ora e tabata chikí el a bisa su mama ku e ke drecha
defuntu. Su mama a kere ta wega i a bisé no. Pero segun tempu a bai el a sinti
ku esaki e ta yamá pe i esaki e ke hasi. Neka nunka promé a yega di drecha
defuntu. El a bai skol, kore stazje i drenta e trabou. Neka a kuminsá studia na
Ulanda. Tempu el a bin Kòrsou bèk tabatin un kurso i a siña drecha defuntu.
El a kore stazje na tur agensia funerario i a keda na El Consolador.

No ta kibra nada
Riba kaya por tende yen historia di kon ta drecha un defuntu. Mester kibra
su man pa bistié su paña ta un di e historianan. Neka a nenga kategorikamente
ku esaki ta e kaso. Na promé lugá ora bin ku e defuntu ta poné den frizer. Un
dia promé ku entiero ta saka e defuntu for di frizer i limpia su kurpa i bisti su
paña. No ta kibra nada na e defuntu su kurpa. E man i pia ta move normal pa
por bistié su paña. I tampoko ta kibra su paña. Ta manera un hende bibu ta
bisti su paña. E ta bisti karson djabou, BH, mea etc., etc.
Den Neka su trabou no ta solamente drecha defuntu pero e ta buska
defuntu tambe kaminda esaki a fayesé. Si ta un persona ku a bira víktima di
un krímen, Neka a bisa ku esei tambe tin su trabou. Pero purba hiba e kara
bèk na loke e defuntu tabata promé ku el a fayesé, esta si el a haña kap.