Page 28 - ARUBA BANK
P. 28
ORANJESTAD (AAN): Durante un conferencia di prensa convoca na sede principal di
Aruba Bank na Camacuri, a lanza oficialmente campaña nobo di “Mega Hunter” pa
compra di auto of brommer nobo. Y e biaha aki, e team di Aruba Bank a dicidi na haci
algo grandi, y a inclui entretenimento sano pa henter famia participa aden, den forma
di un Car Rally.
Segun Stephanie Camacho, kende ta Senior Marketing Officer, e Car Rally aki lo ofrece
e participantenan un chens di gana premio valioso pa e clientenan cu ta aplica pa un
car-loan bao di e campaña di Mega Hunter.
Esaki ta e di diescinco aniversario di campaña Mega di Aruba Bank, y pesey a introduci
un evento extra. E evento extra aki ta pa henter comunidad pa participa den e Car
Rally.
E tin e nomber di “Mega Hunter Car Rally”, y ta bay haci hopi uso di tecnologia.
Aki ta unda cu Sra. Camacho a mustra cu bo tin di usa bo Smartphone pa asina move
den auto y acudi na diferente localidad rond di e isla.
Esnan cu kier participa tin di traha un “profile” prome riba e website di megacar.aw y
asina prepara pa e Car Rally.
Tres diferente Diasabra:
Lo tin en total tres Car Rally, y lo wordo teni riba Diasabra 24 di Augustus, Diasabra 31
di Augustus, y Diasabra 7 di September.
