Page 29 - ARUBA BANK
P. 29
Riba e Diasabra maintanan aki, entre 9:00 am y 12:00 pm lo activa e Car Rally. Bo
mester bishita e website menciona ariba pa asina lesa tur reglamento di e Rally.
Cada Diasabra mainta, Aruba Bank lo hiba e participantenan di Car Rally na 5 localidad
rond di e isla. Pa cuminza e wega, tur hende ta aglomera na Aruba Bank Camacuri cu
lo ta e sede principal di e Mega Hunter Car Rally, y aki lo bo haya e prome ‘hint’ di e
wega.
Cu cada hint, bo ta haya idea unda bo mester dirigi bo mes den auto e ora. Como cu
bo tin bo smartphone cendi, ora bo ta den auto y bo ta faltando 1.000 meter pa yega
na e ‘Localidad #1’, e GPS Receiver di bo smartphone lo activa y indicabo precisamente
e punto unda bo mester yega.
Faltando 15 meter pa bo yega e punto aki, riba bo smartphone lo aparece diripiente un
“Selfie Frame”. Cu e “Selfie Frame” aki bo mester bay saca potret di bo mes, hunto cu
e meta den background.
Por ehemplo: Si acaso e meta ta pa yega na Faro di California, y e meta ta pa saca
un potret/selfie cu e porta di e Faro, e ora bo ta tuma un potret y despues share esaki
riba Facebook. Unabez cu bo a caba di share e potret, esey nifica mitar di e meta ta
cumpli. Ora cu bo a caba di share, lo bo haya un “Quiz” pa bo contesta. Si bo a duna
contesta corecto, e ora bo a logra e meta di Localidad #1 aki positivamente.
E logro di localidad aki lo dunabo un “Trofeo”. E trofeo aki automaticamente ta dunabo
e “hint” pa e Localidad #2. Aki lo bo tin di mobiliza cu bo auto den direccion di e lugar,
y atrobe faltando 1.000 meter bo lo haya indicacion unda precisamente bo tin di bay, y
faltando 15 meter, lo bo haya un “Selfie Frame”, etc. Mesun sistema, y na final cu
contesta positivo lo bo haya Trofeo pa Localidad #3 tambe. Y asina e storia ta ripiti pa
Localidad #4, tambe pa e ultimo Localidad #5 di e Diasabra mainta ey.
Premio mas grandi:
Segun Camacho, automaticamente e participante cu tin 3 Trofeo, y si acaso e
participante tambe a aplica pa un Mega Hunter Car Loan, e ta cualifica tambe pa un
Premio mas grandi.
