Page 72 - MIN JUS

http://www.24ora.com/index.php?option=com_content&view=article&id=121504:dtp-tin-atencion-pa-
e-problematica-di-taxistanan-pirata&catid=1:local&Itemid=5

Intercambio di sugerencia a wordo treci dilanti den reunion
entre taxistanan y Gobierno

Friday, 05 May 2017 16:44
Comparti

Minister Mike de Meza a reuni cu un grupo grandi di taxista, hunto cu su colega, minister Arthur
Dowers. El a expresa cu esaki tabata un encuentro interesante. Director di Departamento di Transporte
Publico, Gerald Ketteldijk tambe tabata tey. Tabata tin diferente preocupacion, diferente puntonan di
interes cu e taxistanan presente a trece dilanti.

Por a contesta nan y tambe trece sugerencianan dilanti y nan tambe a trece diferente sugerencia dilanti.
E minister a keda hopi contento. Sigur sigur esaki ta e caminda pa bay pa tin un dialogo habri, unda cu
por puntra tur cos y a haya contesta riba tur cos. Sigur, sugerencianan cu a trece dilanti pa e
preocupacionnan tambe, a tuma nota di nan. A bisa nan tambe cu ta bay duna un feedback riba esaki. Tin
diferente huiswerk cu tin cu wordo haci y despues yama un reunion atrobe y duna informacion. Ta trata
di un grupo basta grandi. Ainda tin mas grupo di taxista. Ta un total di 450 taxista na Aruba y e minister
ta habri pa combersa cu tur taxista y scucha nan preocupacion. A bisanan hopi cla cu ta compronde cu
cada individual tin su mesun preocupacion, tin su mesun interesnan, pero na fin di dia, locual cu ta conta
ta e interes general. E servicio cu ta wordo duna, pero tambe e interes di e grupo total. No por ta asina cu
un grupo chikito, ta haya beneficio y e grupo grandi of un otro grupo no ta haya beneficio. E mester ta un
win win situation, caminda cu tur hende ta mira cu nan ta bay dilanti. Si por haya otro riba e base ey, ta
sigur cu por haci hopi cos. A papia di por ehempel e importancia di tin un fondo di pensioen pa
taxistanan. Den pasado a mira cu tabata tin hopi sector na Aruba cu no tabata gosa di un fondo di
pensioen. Esey tabata conta por ehempel pa hopi hende cu tabata traha den hospital pa hopi aña, cu
nunca tabata tin e posibilidad pa un pensioen. Esey a bin na vigor.

A mira tambe un grupo grandi por ehempel di verpleegsternan, cu tabata traha y e verzorgsternan cu ta
traha den casnan di ancianonan, cu a traha hopi aña. Tin algun di nan cu hasta a yega cerca di 40, cu
nunca tabata tin un pensioen. Awe por bisa cu esey no ta e caso mas y cu tin un pensioenfonds. Den e
sector di turismo tambe ta mesun cos pa añanan largo. Tabata tin diferente persona cu tabata traha den e
industria di turismo, cual ta e pilar economico di Aruba mas grandi y por a mira cu hopi di nan despues
di a traha pa hopi tempo pa hiba Aruba dilanti, no tabata tin pensioen tampoco. E minister por corda cu
tabata tin hende cu tabata casino manager, cu posicionnan clave den hotel, ora cu nan bay en principio
cu edad grandi, stop di traha, nan no tabata tin otro entrada cu por a vang op e bashi eynan. Hopi di nan
tabata traha na stacion di gasolin of otro caminda. Esey ta un lastima cu un edad asina halto tin cu bay
haci e trabao aki. A sugeri tambe pa sinta hunto y traha riba un fondo di pensioen pa e sector di
transporte. Esaki ta conta en principio pa taxistanan, pero ta conta tambe pa esnan cu ta core autobus. Y
hasta ta conta pa esnan cu tin un tourbus of un ongeregeld transportvergunning. Por haci esaki door di