Page 74 - MIN JUS

Minister Dowers tambe a compromete pa traha hunto cu
taxistanan pa fortifica e parti di siguridad

Friday, 05 May 2017 16:49
Comparti

Tabata tin un reunion fructifero cu e taxistanan y Minister Arthur Dowers tabata hunto cu minister Mike
de Meza. Tabata tin algun punto di importancia cu a atende cun’e. E tabata tey pa papia cu diferente
taxista y scucha nan preocupacion cu nan tin.

A scucha principalmente e vraagstukken pa loke ta trata siguridad, pero tambe e mantencion di ordo y
regla pa loke ta trata esnan cu no ta oficialmente taxista y cu ta haci mal uzo di e reglanan cu tin of falta
di regla por ta tambe hasta, y esey a buta cu minister Dowers tabata tey presente. El a duna su punto di
bista riba e diferente puntonan dilanti y a compromete su mes tambe, mescos cu den pasado, pa traha
hunto cu e taxistanan pa nan wak con pa fortifica e parti di siguridad. Ora cu tin hende cu ta haci mal uzo
di circunstancianan, core taxi, sin cu nan tin permiso pa esaki, ta trece riesgo y consecuencia pa
comunidad. Den pasado a traha cu gruponan di taxi y a pidi nan e tempo ey pa nan bin cu e whatsapp
group, hunto cu polis. Por a tende cu esaki ta funcionando. A haya si como punto di bista di nan cu ta
pasa mucho poco segun nan, cual ta algo cu ta tuma den evaluacion y lo trat’e cu cuerpo policial pa mira
den ki forma por aumenta e cooperacion. Ta considera e taxistanan, esnan di bon boluntad, un partner
importante pa Gobierno, pa por tin extra bista riba caminda y e ora ta coopera tambe cu nan pa facilita
nan trabao.

Tur cos pa facilita nan trabao, brinda miho servicio na cliente y reduci insiguridad y riesgo, ta dispuesto
pa haci’e y esey ta loke a palabra y lo bay bek den e departamentonan y bin bek cerca nan cu un feedback.
Cooperacion entre polis y DTP Minister Dowers a sigui splica cu semper tabata e caso cu polis a coopera
cu DTP. Loke tin di compronde cu parce cu ta dos auto so tin na DTP. Por mira cu DTP toch no tabata
ekipa pa por haci nan trabao. Hopi biaha nan ta manda critica pa polis. Pero awo ta tende cu nan no
tabata ekipa pa haci nan trabao. Esey a haci cu e minister a tuma cierto paso pa nan por mehora e
posibilidad pa nan por actua y polis semper a coopera cu nan. Berdad den pasado, e colega, ex minister,
kier a crea impresion cu esey no tabata e caso. Pero ora bin controlnan significativo, semper tabata tin
polis presente. Nunca polis no ta keda sin coopera cu e departamento di DTP. Mayoria di e leynan di DTP
ta leynan cu ta cay bao di ministerio di husticia y nan ta wordo delega na un otro departamento. Sin
embargo, ta keda sinti e responsabilidad pa contribui tambe pa loke ta siguridad den e departamento aki
tambe, segun minister Dowers.

Comentarionan (0)
http://www.24ora.com/index.php?option=com_content&view=article&id=121509:minister-dowers-
tambe-a-compromete-pa-traha-hunto-cu-taxistanan-pa-fortifica-e-parti-di-
siguridad&catid=12:politica&Itemid=18