Page 28 - MIN VOS

26 AWEMainta Diabierna, 9 December 2016

Aaron John a gradua pa dokter na Universidad di Radboud na Nijmegen

DEN HAAG – E studiante Arubiano Aaron John a caba cu

exito su estudio di medicina na Universidad di Radboud na
Nijmegen. Hunto cu 14 otro medico Aaron a ricibi su diploma
den e auditorio di Radboud UMC.
Pa e momento aki a bin special for di Aruba su mama Marga-
reth John, madrina Celestina Figaroa y for di Hulanda su ruman
muhe Shandra John y amigonan. Invitado special tabata Minister
Plenipotenciario Juan David Yrausquin.
Na 2006 Aaron a bin Hulanda y a cuminsa cu un estudio di
Ciencia Biomedico, pero e estudio aki no tabata loke e tabata
aspira p’e. Un aña despues Aaron a cuminsa studia medicina.
Aaron tabata hopi activo durante di su estudio. E tabata tanto
miembro como miembro di directiva di IFMSA cu ta e Asosacion
Internacional pa Studiantenan di Medicina.
Tambe Aaron tabata miembro di Cruz Cora tanto na Hulanda
como na Aruba. El a haci diferente biahe di estudio, na e. o.
Indonesia y Ecuador. Como parti di su estudio Aaron a haci
diferente investigacion riba tereno di trato medico na Intensive
Care.
Di e investigacionnan aki, tres a keda publica.
Na e momento aki Aaron ta trahando riba un investigacion riba
daño celebral traumatico.
Otro aña Aaron lo cuminsa na specialisa su mes como Anestesista.
Minister Plenipotenciario Juan David Yrausquin a felicita Aaron
cu su diploma y a desea Aaron tur clase di exito den su speciali-
sacion.