Page 34 - ATA
P. 34
Aki dos aña Aruba su aeropuerto lo tin
un hende local na cabes
Posted on 08/7/2019 11:10 am AST | Updated on 08/7/2019 11:11 am AST
ORANJESTAD – Si tur cos cana bon, aki dos aña, mas tarda 3, Aruba lo tin un
CEO local na cabes di nos aeropuerto. Asina e minister responsabel pa nos
aeropuerto, Dangui Oduber, a bisa Noticiacla.com diaranson mainta. E ta reacciona
asina riba e raportahe di e portal aki di algun dia pasa, unda cu e CEO saliente
James Fazio a bisa, pakico ainda no por a pone un CEO local na cabes di
aeropuerto. Royal Schiphol Group, cu ta maneha nos aeropuerto, a presenta e
persona Joost Meijs, cu a keda aproba pa gobierno di Aruba. E aeropuerto a caba
inicia un proyecto miyonario di expansion y renobacion pa e proximo 5 añanan, y
Meijs tin experiencia cu renobacion di Eindhoven airport.
ARUBIANO NA CABES
“En todo caso ta mas cu logico cu gobierno kier apunta un Arubiano como Ceo di
aeropuerto” Oduber a bisa e portal aki. E ta referi tambe na e hecho cu e proyecto
Gateway 2030 ta bay cuminsa y ta un proyecto hopi importante pa aeropuerto, turismo y
