Page 50 - ATA

Fazio: Expande y bula ruta robes ta

pone cu aeroliñanan local ta kibra

Posted on 08/7/2019 5:46 pm AST | Updated on 08/7/2019 5:48 pm AST

ORANJESTAD – “E problema cu e aeroliñanan local (di Aruba) ta cay na caminda,
ta entre otro, cu nan ta bira ‘mucho grandi’ y ta drenta e mercadonan den cual nan
no por competi”, asina director saliente di aeropuerto, James Fazio, a bisa
recientemente den e programa Noticiacla LIVE, unda e tabata referi na entre otro:
Air Aruba, Tiara Air y ultimo Insel Air Aruba. E forma ta pa keda chikito, cu e
avionnan apropia y e rutanan regional of interisular. Di otro forma, e situacion ta
sali for di man y e aeroliña no ta sobrevivi.

CON PA HACI

“Si bo cuminsa cu un aeroliña chikito cu e tipo corecto di avion, interisland of regional,
bo ta opera den un mercado cu ta captivo, sin hopi competencia y bo por ta hopi exitoso y
gana placa den e mercado ey”, Fazio –, e mesun piloto di avion chikito-, a bisa. E
problema ta cu unabes cu e aeroliñanan ey haya poco exito, nan ta traduci e exito ey den
e pensamento cu nan mester bay mas den grandi. “Ban busca avionnan mas grandi, ban
cuminsa bula jet”, Fazio ta bisa.