Page 29 - MIN JUS

Caso Richard Fingal: 10 aña ta mucho poco

Friday, 21 April 2017 23:06
Comparti

Den corte hues a dicta sentencia di dies aña pa e señora Chines cu a mata e director di Serlimar. Durante
entrevista cu e abogado di famia Fingal kende ta Doris Kenwood, el a splica mas riba e sentencia y daño
di perhuicio.

E decision ta basicamente cu hues ta haya cu e sospechoso ta culpabel na e hechonan. Y a bay di acuerdo
cu e vordering di fiscal cual tabata 10 aña.

Defensa den corte

E abogado a bisa cu e ta abogado di famia. Unico defensa tabata sr. Chris Lejuez. E abogado a splica cu a
entrega vordering pa danjo y perhuicio.

Nan a pidi pa danjo y perhuicio, manera gastonan di funeraria y gastonan material y e gastonan di
funeraria a wordo acorda, cual ta un suma di 10 mil florin.

E resto a wordo bisa cu tin cu cuminsa cu un caso civil.

Con ta mira e caso
Kenwood a splica cu e dama a haya un castigo, el a wordo haya culpabel. 10 aña ta mustra tiki pa kita
bida di un ser keri, pasobra pa resto di bida e persona no lo tey mas. E sospechoso tin dos siman pa bay
den beroep y ta spera cu esey ta bay pasa tambe, Kenwood a splica tambe.

Den contacto cu autoridad
Tamara Fingal ta yiu di Richard Fingal. Desde cu su tata a wordo mata e tabata den contacto cu
autoridad. Durante entrevista? el a splica na salida di corte kico ta sentencia a nifica pa nan cu ta yiu di e
persona cu a wordo mata.

Famianan ta conento cu e veredicto cu e dama ta culpabel. 10 aña ta tiki. Nan ta conforme cu loke hues a
pidi, pero 10 aña pa e famia, no ta suficiente.

E situacion ta uno hopi dificil. Ningun hende por imagina con duro e tabata, vooral tur e media circus cu
tabata tin rond di dje. Hopi hende a crea nan mesun storia, sin conoce e famia y sin conoce e tata. Ningun
hende no tabata con nan a biba tur e momentonan ey.
Tamara Fingal ta 100% sigur cu su tata no ta culpabel di nada. Si nan kier bay corte superior, no tin
ningun duda algun cu den hoog beroep, nan lo haya e mesun sentencia cu e ta culpabel.
Rol di famia

For di e momento cu a haya e yamada cu e tata no tey mas, na momento cu polis a presenta na cas, e dia