Page 33 - MIN JUS

Lo apela den e caso di muhe Chines cu a mata director di

Serlimar

Friday, 21 April 2017 23:03
Comparti

Abogado Chris Lejuez tabata e abogado di e muher Chines cu a mata e director di Serlimar cu a muri .
Consecuencia di basta hinca. Dia cu e caso a wordo trata a pidi libertad pa su cliente pasobra tabata
defensa propio.
Durante entrevista, abogado mr Chris Lejuez a laga sa mesora cu lo conseha e cliente apela despues di
scucha hues dicta dies aña di castigo.
E abogado a splica cu e hues a rechasa e defensa cu a trece, cu ta un caso di defensa propio, sea
noodweer, o sea un defensa propio cu exceso, noodweer excess. Hues no a duna e splicacion a base di
kico el ayega na e conclusion ey. Sinembargo el a dicidi cu no tabata tin suficiente defensa propio. E hues
a bisa cu e ta asumiendo cu tin un caso di posibel abuso sexual. Tabata tin intencion di abuso sexual, pero
e manera cu e dama a defende su mes contra esaki, tabata desproporcionalmente hopi. Ta papia aki di un
caso di doodslag.
Vrijspraak

E abogado a pidi vrijspraak a base di cu ora un persona dicidi di atacabo, sea pa motibonan secual of pa
otro motibo, bo tin e derecho segun ley pa defende bo mes. Bo tin e derecgho di defende bo mes
proporcionalmente, pero bo tin e derecho di defende bo mes desproporcionalmente. Si bo bay mucho
leu, ainda ley ta protehabo. Hues, ta haya cu e ley no ta aplicabel den e caso aki, ya cu e ta haya cu e dama
a bay mucho leu, di loke a indica den defensa propio.

Mas hende presente
Tabata tin hende pafo di e edificio, caminda cu a tende e homber a bisa, “Mi tin famia”. Di un otro banda
cu e dama tambe a bisa esey, pero e tabata tin masknan cu tin dilanti cara, e ta pone facial y
aparentemente a zorg pa nan no por a tende loke a bisa. Tur dos tabata bisa e mesun cos. Sentencia aki a
laga e abogado cu sentimento mixto, pasobra cu ta sinti cu si a un hende muhe y si un hende homber ta
bin purba abusa dibo sexualmente, bo tin e derecho di defende bo mes. Ley ta dunabo e derecho ey. Pero
tin cu tene cuidao, cu si bo bay mucho leu, manera den e caso aki, cu hues ta haya cu e dama a bay mucho
leu, e ora bo ta hiba riesgo cu abo ta esun cu ta bay cera pa hopi aña, cu na luga di acepta e abuso tuma
luga y entrega un denuncia cu e persona a abusa dibo, chens ta cu e persona cu a abusa lo bay cera y abo
mes ta keda liber.
E senjal ta mixto pa hende muhenan den un situacion fastioso, pa nan uma decision kico nan ta bay haci.
Si nan ta bay accepta y despues entrega un denuncia of si nan ta bay defende nan mes, cu e chens cu si e
bay for di man, nan ta bay wordo castiga pa hopi aña di castigo.