Page 3 - MIN JUS

AWEMainta Diasabra, 22 April 2017 3

Ayera diabierna

Huez a sentencia señora

Chines na 10 aña di prizon

Pa e asesinato di Richard Fingal

DIABIERNA den Corte di Prome Instancia, a trata e caso contra e señora Chines cu a
mata e director di Serlimar, Richard Fingal. E sospechoso, Tian Lin, a propina e defunto
cu varios hinca cu a conclui den su morto.

Fiscal di Ministerio Publico a exigi un castigo di prizon di 10 aña, cual Huez a honra
ayera mainta. Fiscal a exigi e castigo teniendo na cuenta cu e hurisprudencianan cu
ya tin.
Huez a mustra cu Lin ta culpabel di homicidio ora el a hinca e defunto varios biaha
den pecho y dal e cu un martiu.
Apesar cu no ta descarta cu Fingal por tabatin intencionnan sexual cu Lin, e forma
con Lin a actua, segun Huez, tabata desproporcional y sin hustificacion, enfati-
sando cu homicidio ta un di e crimennan mas pisa cu tin.

Huez a rechasa e defensa, cu a trata e caso como
uno di defensa propio of defensa propio cu
exceso, mustrando cu e pruebanan contra
Lin, esta di menasa y intento di asesinato,
ta cla.
Actualmente ta trahando pa
apela e sentencia.