Page 4 - MIN JUS

AWEMainta Diasabra, 22 April 2017 5

Atraco Team ta detene

E di 6 sospechoso

den atraco na

Hulpbestuurs-

kantoor Savaneta

AYERA diabierna, den oranan di merdia, Atraco
Team a presenta na un adres na Sabania Abou na
unda cu a detene e homber G. C. en conexion cu
e atraco cu a tuma lugar na Hulpbestuurskantoor
Savaneta dia 31 di maart pasa.

E dia en cuestion a logra detene cinco persona. Atraco
Team a sigui rib’e caso y ayera diabierna a logra
pone man rib’e di 6 sospechoso. Na e cas a bin haya
marihuana y cocaina, probablemente cosnan horta y
aparato pa procesa droga. Sigur un tremendo trabao
di Atraco Team.

Ceramento di caminda

dilanti Marriott

Ocean y Surf Club

DEPARTAMENTO di Obra Publico ta informa
pueblo di Aruba en general y specialmente nos au-
tomobilistanan cu ta haci uzo di e caminda di LG
Smith Blvd dilanti Marriott Ocean y Surf club, cu
entrante 24 y 25 di april 2017 ta bay cer’e parcial-
mente pa asfalta e caminda.

Ruta alternativa lo ta luz di trafico Palm Beach pa
luz di trafico Noord, despues di esey lo sigui rib’e
caminda di Turibana yegando te Saliña Cerca 4 sigui
te Saliña Cerca 19C y bira den Bakval pa despues sali
riba e caminda pa rotonde di Ritz Carlton. Orario di
ceramento lo ta di 6’or di atardi pa 2’or di marduga
tur dos dia.

En conexion cu e trabounan menciona Departamento
di Obra Publico ta pidi pa tene cuenta cu e incon-
veniencianan cu lo por surgi pa cual nos ta pidi nos
disculpa.