Page 10 - KPA

Varios persona herida

den accidente na Noord

Cura Cabay

Published on March 3, 2017 in SPLASH/Suceso
ORANJESTAD, Aruba

Na altura di e cas di Hoy Sing Loy na Noord Cura Cabay riba caminda principal, ta
sosode un accidente basta pisa diabierna algo pasa di 12’or di marduga. E accidente
aki tabata entre dos auto un Toyota Altezza y un Chevrolet Spark unda varios persona
a keda herida.
E auto Toyota tabata bayendo direccion San Nicolas y yegando na e T-Kruis, e auto
chevrolet a subi caminda di pazuid y no a duna preferencia na e Toyota cu tabata riba e
caminda principal. E impacto tabata hopi duro si mira con e autonan a keda. Tanto
velocidad como y no duna preferencia a causa e accidente aki. E Toyota Altezza na su
turno a bai dal contra un Van para canto di caminda. Riba e potretnan por mira con
bateria di un di autonan a keda tira riba caminda.
Cuerpo di Bomber cu a yega na e sitio mester a corta porta di un auto pa asina saca
tanto chofer y pasaheronan. Ambulance a transporta un total di cuater herido pa
hospital. Den e accidente aki tambe tabatin un baby herida. Awor investigacion ta bai
determina kico exactamente a pasa cu a causa e accidente pisa aki, tanto den falta di
preferencia como velocidad halto.