Page 5 - KPA
P. 5
Dos agente Policial deteni como sospechoso relaciona cu un
investigacion penal andando
Friday, 03 March 2017 14:56
Comparti
Den cuadro di nos maneho semper transparente Cuerpo Policial Aruba kier informa cu dos colega di nos
a ser deteni pa e instancianan concerni pa investigacion. Mirando cu e investigacion ta andando nos no
por duna mas detayes na e momentonan aki.
Cuerpo Policial Aruba ta existi desde aña 1986 y ta conta awendia cu mas o menos 600 Polis trahando
incansablemente pa brinda siguridad na nos pueblo. Ta trata aki di 375 hende homber, 104 hende muhe
y 120 empleado administrativo, trahando den 4 districto, cu Warda nan di Polis situa na Oranjestad, San
Nicolas, Noord y Santa Cruz. Orguyosamente Cuerpo Policial Aruba ta conta cu hopi respet
internacional, specialmente pa su unidadnan special manera “Motor Unit”, “K9 Unit”, “Arestatie Team”,
“Mobiele Eenheid”, “Duik Team” y “Helicopter Unit”, sin lubida e departamentonan conoci di patruya y
recherche cu ta bon entrena y capaz pa investiga y soluciona e casonan mas complica. Cuerpo Policial
Aruba ta traha den cooperacion estrecho cu Cuerponan di Polis den Reino Hulandes manera Korps
Politie Rotterdam Rijnmond, KLPD y RST, sin lubida otro partnernan internacional manera Interpol,
DEA, FBI, RCMP, Force Protection Agency, ACCP y IACP.
