Page 66 - MIN VOS 7 APRIL 2017

A renoba e postenan di lus na Piscina Olimpico Roly Bisslik
na Savaneta

Thursday, 06 April 2017 17:28
Comparti

Recientemente St. Fundacion Facilidadnan Deportivo, FFD a re-instala e tres postenan di lus na Piscina
Olimpico Roly Bisslik na Savaneta. Despues di un periodo cu esakinan wordo renoba a instala tur tres
poste pa asina e usuarionan por haci uso di e piscina den oranan di anochi.

Mester bisa cu e estado anteriormente di e postenan aki tabata deteroria y tabata un estorbo y sigur un
peliger pa tur cu ta haci uso di e piscina mirando cu esakinan a frustia por completo y mester a haya e
atencion necesario. Director di FFD, Ing. Junior Tromp a splica cu mester a cuminsa un caminda y
mesora a opta pa baha e postenan di luz mirando e peliger cu esakinan por a trece cune. “Nos a opta pa
baha e tres postenan di lus door cu e basenan tabata completamente frustia na e parti abou. Mester a
traha full un base nobo pa cada uno y tambe controla e coriente mes, pone lusnan identico y cambia e
cabelnan pa uno nobo”, Ing Tromp a enfatisa. Ta bon pa menciona cu tin plan pa remplasa e scoreboard
actual pa uno mas nobo unda ta buscando diferente oferta. Awor esnan cu ta praktica e deporte di
landamento, landamento sincronisa, waterpolo, triathlon, landamento escolar y lesnan di landamento lo
por usa e facilidad den oranan di anochi. Pa siman hopi hende ta haci uso di e piscina den oranan di
anochi y awor por haci esaki den tur trankilidad. Den e forma aki tambe Minister di Deporte y St.
Fundacion Lotto pa Deporte lo sigui sostene deporte y inverti na mehoracion y renobacion pa brinda nos
atletanan e miho oportunidad posibel.