Page 29 - HOH

EXPO DESTINACION

RISARALDA CU EVENTO

IMPORTANTE RIBA TURISMO

Y SALUD BAO DI UN SOLO

DAK

21 September, 2019, 2:21 pm

Diasabra, 21 di september, un grupo for di Risaralda, Colombia tey presente den

Renaissance Convention Center pa asina participa na un exposicion, unda cu nan lo ta

trece nan producto y ofrece na tanto publico en general y tambe comerciantenan local.

Esaki a cuminsa for di 9’or di mainta y lo dura te cu 6’or di atardi.

Tin representantenan di e sector di Wellness Tourism y turismo en general. Na e evento

aki, specialistanan di diferente sucursalnan di medicina, representante di hotelnan y

MDC’s (Destination Management Companies) lo ta presente pa describi y ofrece nan

variedad di servicionan for di 9’or di mainta te 6’or di atardi.

Risaralda, ta conoci pa su excelente infrastructura moderno pa salud, su specialistanan y e

calidad di servicio cu nan ta ofrece den termino di halto y abao den complicacionnan

medicinal. Aditionalemente, Risaralda tin e mihor actracionanan turistico, pueblonan

encantador, haciendanan grandi di kofie converti den un spa y boutique hotels,

gastronomia local masha dushi mes y exorbitante paisahenan di naturalesa.