Page 73 - HOH

El a ripara cu tin masha poco acento riba e dia aki, y enberdad e grupo di personanan
cu demencia ta creciendo na Aruba mientras cu edad ta bahando y esaki ta
preocupante.

Pesey Cas Marie a dicidi pa duna informacion, pasobra famianan habri wowo riba esaki.

Sra. Does a aplica cu, aki na Aruba, tin personanan entre 50 cu 60 aña cu ta sufriendo
di Alzheimer, locual pa sra. Does ta un edad hopi jong ainda, y e ta haye alarmante, y

den e caso aki ta hende homber.

E no sa si tin casonan di hende muher, pero si ta asina cu den nos comunidad tin fobia
riba e malesa aki y hasta e ta un tabu papia di dje, y podise e famianan mes no ta

meld.

Berdad ta algo hopi penoso cu un ser keri ta bira dement y vooral cu Alzheimer.

Sra. Does a indica cu famianan ta tarda hopi pa acerca docter y bisa e sintomanan cu
nan ser keri tin pa yega na e diagnostico di demencia, y vooral Alzheimer.

E director di Cas Marie a menciona cu Cas Marie a wordo lanta 13 aña pasa caba, door

di sr. Escalona cu su casa tabata tin demencia, y el a bin na e idea cu mester a bin un
Cas Marie pa duna sosten na e famianan pasobra e situacion aki ta genera hopi trabao
y stress y e famia mes no por funciona bon. Tin famia cu no por drumi bon, ora un ser
keri tin un tipo di demencia of Alzheimer.

Cas Marie a wordo funda pa tuma hende pa pasadia y pa mantene e habilidadnan cu e
clientenan tabata tin ainda, pero nan a ripara cu e problema a bira asina grandi, cu hopi
hende cu tin un familiar cu un tipo di demencia of Alzheimer mes, cu ta kere cu nan por

yega y haya un lugar di biaha pa na ser keri por wordo trata den e centro aki.

Pero esey no ta cas, pasobra Cas Marie no tin e capacidad pa tuma gruponan grandi pa
dia, pero nan average ta di 20 cliente cu ta bishita Cas Marie, y e horario di trabao ta di

Dialuna pa Diahuebs di 8 or di mainta pa 4 or di atardi, pues e no ta un siman
completo. Sra. Does, no obstante, a expresa cu nan ta hopi preocupa pasobra nan ta
wak cu e grupo eyfo ta creciendo, y no tin caminda suficiente pa atende e personanan
aki.