Page 74 - HOH

E dama a reitera cu hopi famia ta yega cerca nan, cu man na cabes y hopi preocupa na
nan ser keri.

No obstante, Cas Marie si ta habri e porta pa guia e famianan sin exigi ningun pago pa

e servicio, y nan ta guia nan pasobra tin famianan no sa unda mas pa bay.

Nan ta haya guia con pa trata e ser keri na cas, y na unda nan por haya sosten. Cas
Marie ta traha strechamente cu Centro di Memoria y nan ta referi e famianan pa busca

un diagnostico pa nan ser keri.

Sra. Does a splica tambe cu nan tin directiva cu ta traha boluntariamente pa yuda
sostene e trahadornan na Cas Marie, y e ta sigur cu lo mester bin cu un plan.

Tin clientenan cu ta bishitando Cas Marie pa casi diestres aña y nan ta ripara cu nan ta
bayendo atras “tiki, tiki” pero cu no ta den e fase cu no por wordo yuda mas. Pero
tambe tin cliente cu den dos pa tres luna nan no por wordo atendi mas, y nan tin cu

yama e famia informa nan.

Sea e persona ta cana hopi robes, cu no por wordo guia, of el a cay for di un rol stoel,
of el a bira hopi agresivo cu ta bira un peligro pa e mes of pa e otro clientenan cu ta

bishita Cas Marie.

Semper prome cu duna un noticia asina na e famia ta consulta cu expertonan pasobra
pa e trahadornan ta algo hopi dificil ya cu cada cliente cu bishita e lugar ta wordo

considera como un famia di Cas Marie.

Sra. Does a splica cu generalmente e famianan ta meld na prome lugar na Cas Marie,
pero e proceso cu mester sigui ta pa bay prome cerca e docter di cas, busca un

verwijsbrief pa bay Centro di Memoria unda nan ta haci un diagnostico, y ta indica cual
ta e caminda cu mester cana cu e pacient.

Y si e persona tin habilidadnan social nan ta referi e na Cas Marie pa e habilidadnan aki

keda intacto y te unda cu por Cas Marie ta haci esey.

https://www.diario.aw/2019/09/sra-lissette-does-malesa-di-alzheimer-ta-aumentando-y-edad-di-
pacient-ta-bahando/