Page 37 - MIN VOS

Parlamentario Sr. Jeffrey Kelly: Un partido cu ta traha pa su
Pueblo y Pais merece e confiansa pa sigui padilanti

Wednesday, 18 January 2017 09:00
Comparti

Ora un Pais ta drenta un aña di eleccion, henter comunidad ta reflexiona riba dos punto escencial. E
prome punto ta unda nos tabata y e segundo ta unda nos ta actualmente como pais. Esaki ta loke
Parlamentario Kelly ta trece dilanti a base di un analisis y comparacion di e gobiernonan di Mep y AVP.

Unda nos tabata Na 2009 partido AVP a gana e confiansa di pueblo di Aruba a base di e programa y
vision politico cu partido AVP a presenta. Na momento cu partido AVP a asumi su responsablidad pa
forma un Gobierno nobo pa pais Aruba nos tur tabata conciente di e retonan cu lo tin, mirando cu a
hereda un pais den un estado desastroso. Parlamentario Kelly ta corda ainda con un gobierno cu na 2008
tabata ricibi entrada di BBO y entrada di Valero a pone maestronan manifesta durante 7 siman largo pa
finalmente duna nan 105 florin extra. No tabatin espacio pa mas, pasobra mester a wanta e placa pa
finalmente e bai caminda cu mayoria placa tabata bai e tempo ey, esta pa famia y amigonan. Nos por
corda cu fondonan di SVB y di APFA tabata den un abismo y con Nel Oduber e tempo ey a bisa cu e ta
laga e asunto ey pa otro kibra su cabes cu ne. American Airlines a anuncia cu lo bula Aruba parcialmente,
Carnival cruises a bai, KLM a stop su buelonan pa Aruba, hotelnan tabata opera cu un ocupacion abou.
Esaki ta e situacion cu Mep cu ta grita tur dia cu nan ta e alternativa a laga nos pais aden na 2009. Esaki
ta UNDA NOS TABATA! Unda nos ta Parlamentario Kelly ta enfatisa cu Gobierno di AVP a traha y
cumpli cu su responsablidad pa asina por a rescata e fondo pa nos grandinan. Awe nos grandinan por ta
trankil pa motibo cu nos tin un fondo di AOV solido, cu lo garantisa e pension di nos grandinan. Pa loke
ta trata e fondonan di ambtenaren (APFA), Gobierno di AVP a haci un overdracht di 170 miyon florin pa
garantisa e supervivencia di e fondo. Danki na e reforma aki a reduce e premie na 68% na 2010, pa
17% na 2016 y a subi e dekkingsgraad pa 100%. Esaki ta e responsablidad cu un Gobierno cu ta traha pa
pueblo y pais ta cumpli cu ne. Pa limita of baha e crecemento di gastonan medico, Gobierno di AVP
a sinta cu partners social. A maximalisa e landsbijdrage na 115 miyon pa aña y a base di reformanan,
finalmente a reduci e landsbijdrage na AZV cu 65%.

A pesar cu bishita di turistanan di pais bisiña Venezuela a baha pa motibo di e situacion cu e pais ta
confrontando, nos turismo a keda stabil. Gobierno di Aruba a percura pa mercadea producto Aruba
mundialmente pa asina percura pa nos pilar economico principal por sigui riba e bon caminda. Danki na
Gobierno di Aruba hunto cu ATA cu ta traha incansablemente, awe nos tin un turismo
solido. Despues cu Gobierno di AVP a sa di rescata y salbaguardia e fondonan di AOV y APFA,
despues cu a percura pa salbaguardia e fondo di AZV, despues cu a pone nos Turismo bek riba pia,
despues cu a reduci defecit di nos pais, a demostra cu e gobierno aki SI POR a habri refineria y no
solamente habri e refineria, sino percura pa esaki bira propiedad di pais Aruba, pasobra awe nos por
mira cu Refineria Di Aruba ta
un realidad. E Gobierno aki a sa di percura pa reconstruccion di scolnan, barionan, careteranan. A
percura pa renobacion di Hospitaal, a percura pa mudamento di waf pa barcadera y na e momentonan
aki nos por mira un Green Corridor cu ta den pleno ehecucion y un proyecto Watty Vos Boulevard cu ta
cla pa start na comienso di februari. Proyectonan ambicioso cu Gobierno di AVP a sa di ehecuta. Segun