Page 35 - MIN VOS

Otmar Oduber a scuha e hendenan aki expresa nan dolor, un di nan 2or di
marduga cu a bis’e cu e ora ey el a caba di traha y cu e tin cu traha proximo 1

pa 2 siman por lo menos dobbel shift pa e por paga su number di auto. Otro a
bisa cu e mester bay para e autobus pasobra e no tin e placa na e momentonan

aki pa por paga e number di auto den un solo shot. Anteriormente nan por a
parti e pago y realisa esaki na un forma mas husto y humano.

“Paga 600 y pico, 900 y pico y hasta mil y pico Florin cu nan mester paga den
un solo pago ta un abuso y p’esey mi kier haci un yamada na e Gobierno aki pa
por fabor reconsidera e decision aki di hendenan humilde, hendenan cu ta traha

hopi duro, hendenan cu tin cu paga nan mesun AZV, nan mesun BBO y tin cu
cubri nan gastonan”, Otmar Oduber a bisa den conferencia di prensa.

E ta di opinion cu dunando tempo por haci cambionan, pero mester duna un
periodo di gracia pa e hendenan por prepara nan mes, por ehempel 1 aña pa

nan por ta prepara y spaar e placa pa por paga nan number di auto den un solo
biaha. Pero no na e forma ad hoc y inhumano cu mester paga 1200 Florin den
un solo biaha.

Oduber a bisa cu e maneho cu semper tabatin ta uno di flexibilisa, incentiva y
suavisa e gastonan di e gruponan aki pa awor mira loke ta tuma luga, sin cu tin

e necesidad.
El a indica cu e ta spera cu Gobierno reconsidera e posicion tuma y cambia

esaki mas pronto cu ta posibel. Pa oranan trempan di atardi e noticia a drenta
cu cambio a wordo haci y cu e grupo aki lo por realisa e pago di number di auto
den dos pago, algo cu POR ta confia cu en berdad ta asina y Otmar Oduber ta

gradici Gobierno cu a scucha e suplica haci dor di POR na fabor di e
chauffeurnan di autobus, taxi y trackernan.