Page 33 - HOH
P. 33
A PARA TRAHADONAN DI
CONTRATISTA PA SUBI
TERENO DI HOSPITAL
23 September, 2019, 9:08 am
Desde awe mainta, tur trahado di contratista mester atene nan mes na reglanan nobo. No
ta permiti pa nan subi tereno mas sin mas y sin un escort di Hospital. E decision no a cay
den bon tera y casi a bay for di man. Personal di Siguridad di Hospital a pidi presencia di
Polis pa reestablece ordo na e sitio, mirando cu e trahadonan di Entre otro ALBO y
BOHAMA no a aprecia e trato aki.
Parce cu directiva di Hospital a dicidi, mirando cu a entama pasonan legal contra e
contratistanan envolvi den construccion y renobacion di Hospital, cu ta cambia e maneho
di admision na nan propiedad. Kier evita cu ta bay unda cu ta y cu por adapta trabounan
haci of purba core drecha nan erornan den e proceso legal cu a cuminsa cana su caminda.
Abogadonan ta den bataya caba y ainda Hues no a pone un fecha pa e caso den Corte.
Entretanto no kier niun mishimento di parti di e contratista.
Polis a papia cu partidonan na e sitio y a logra calma e situacion. A conseha nan pa bay
meda y dialoga con ta sigui atende awor cu e trabounan cu falta pa haci. E contratista tin
