Page 10 - DVG
P. 10
Na un forma acelera, Aruba a introduci AZV cu no a wordo bon prepara. For di inicio di
e proyecto, participantenan den cuido medico a mustra riba e problemanan cu e lo a
genera pa por a duna cuido medico na Aruba.
Henter e sistema liber di Aruba a wordo cambia den un tempo record pa por a introduci
un sistema cu a exigi e poblacion pa deshaci di seguronan importante cu hopi tabata
cuida henter nan bida largo pa evita cu nan por haya nan mes problema cu nan salud.
AZV no tabata prepara pa a ofrece ciudadanonan e cuido cu nan tabata exigi y ainda
por corda con cantidad di Arubiano mester a busca nan yudansa na Punto Fijo, otro
ciudadnan di Venezuela y Colombia na prome luga.
AZV a mishi cu henter un sistema den cual Arubianonan tabata tin libertad pa dicidi e
importancia cu nan tabata duna na nan cuido.
AZV a haya monopolio riba tereno medico na Aruba, loke a afecta e competencia cu
tabata tin pa den libertad hende dicidi. Gobierno mester a amplia e base social di cuido
medico y duna contenido na e principio di Salud Publico cu ta exigi cu e miho cuido
medico ta accesibel pa e ciudadano.
E calidad di cuido medico a wordo directamente afecta pa AZV, cu a bira un entidad
todopoderoso, cu a dicidi na forma unilateral pa tur loke ta cuido medico na Aruba.
Tur hende mester a bira igual. Naturalmente no tabata tin placa pa paga e miho clase
pa tur hende loke a haci cu a dicidi pa entrega tur hende e clase mas abou. Despues a
bin adapta cu escogencia di paketenan pero te awe AZV no ta basa riba e avancenan cu
ta stipula kico cuido medico mester contene.
Mientras AZV no por a honra bienestar medico di e Arubiano manera mester ta, el a
bira un peso increibel pa e comunidad cu mester a cuminsa paga e belasting di Un
Porciento na 2014 pa asina pa medio di BBO cu a rechasa na 2009, gobierno por a cubri
gastonan di AZV na 2014.
Ganashi politico a dicidi pa salud di pueblo, manera e proyecto di hospital nobo tambe a
demostra. Un hospital di cinco strea cu a bira un experencia di cinco mil amargura pa e
poblacion di Aruba.
