Page 13 - DVG

Booshi Wever : E “Sprookje” Di W2E Ta “Dream” Di

Ot-Nar “Himself”

 Local
- 06/08/2019

Siman pasa e makinaria di propaganda di Ot-Nar Oduber, consistiendo di su
coordinadornan y algun ambtenaar, cu porcierto tin cu te hasta a lubida riba su bandera, y
tambe fanaticonan ciego a traha full speed, pa CORONA e obra, pa purba di manipula
pueblo riba henter e asunto di maneho di desperdicio. E manipulacion ta bin pareu cu mal
informacion, cu ta wordo considera pa expertonan den comunicacion como informacion
falso, cu ta igual cu e concepto tendencioso di “fake news”, segun Booshi Wever.

Esaki ta informacion fabrica deliberadamente y publica cu e intencion pa engaña y
manipula otronan pa kere den cosnan falso of crea duda den hechonan verificabel. Esaki
ta exactamente loke cu Otmar Oduber como mandatario a bin ta haci deliberadamente
“from day one” cu el a forma coalicion di POREDmep.

UPP a desbarata caba nan ponencia cu e WasteAway Plant di Bouldin & Lawson no a
funciona. Nos a mustra tambe, cu documentonan, riba e BOYCOT feroz cu a tuma lugar
dor di Gobierno AVPOR, unda Otmar hunto cu su “full blown partners in crime” di
AVPOR t’esnan culpabel cu e planta no por a sigui funciona.