Page 78 - MIN ARENDS

Den e mundo aki, manera tur cos, tur acto tin un consecuencia. Tin cu tin ora biba cu e
consecuencia ey. E hecho, pa cuminsa e tin cu gana e caso prome y si e gana e caso y e mester
bin bek, ta algo cu e mester tambe acepta y biba cun’e. Pasobra esey ta loke ta pidiendo.

No tin areglo

E ex empleado a wordo retira di inmediato. E ora no ta haya derecho riba nada. Salario te cu e
dia ey, ni opzeggings termijn, ni cesantia, ni nada. E unico cos cu ta haya ta salario te cu e dia
ey. Pesey e ta bringando pa e anula e retiro ey.

No a firma ningun documento

Segun e abogado ta cu loke e ex empleado a haya ta un carta cu el a haya for di Setar, di su
retiro. E mes no a firma nada.

Tin contacto cu e abogadonan na Merca cu ta keda informa nan di e caso na Merca, cual ta un
caso cu ta importante pa akinan y vice versa. Pero practica ta, cu casonan na Merca ta dura
basta largo. Pero riba un fecha of termino, no por indica esey.

Punto di bista di Kock

Segun e abogado, te awor aki e storia di Setar a sali den publicacion. Por ta ora cu e storia di e
ex empleado sali, of ora cu Setar no por prueba of por prueba parti di su storia, e ora e
resultado por refleha riba esey tambe.

Ta spera cu e tratamento di e caso aki, por tuma luga na Fin di Juni of cuminsamento di Juli.
Door cu tin vakantie di corte cu ta bin mientras tanto, lo spera un decision final di Augustus, pa
cuminsamento di September, segun abotgado David Kock.