Page 10 - HOH
P. 10
Diaranson, 7 augustus 2019 AWEMainta 9
La Cabana cu enfoke riba Salud y Bienestar,
durante “Health Week” anual
Departamento di Recurso Humano, a colabora cu Green & Health
Committee pa presenta e Health Week anual, durante ultimo si-
man di juli na La Cabana Beach Resort & Casino.
E siman su proposito ta pa crea un punto di comienso n’e caminda
pa un bida mas saludabel y e presentacionan duna na coleganan
durante e siman a enfoca riba e pasonan necesario pa cu esaki.
E programa di e siman a inclui un grupo di presentante diverso,
manera e.o. Donna Upegui, kende a splica di e importancia di
felicidad y encontra un balanse interno entre e tantisimo respon-
sabilidadnan di bida.
Dr. Robert Leal tambe tabata un invitado. El a elabora riba e
structura neurologico di e mente masculino y femenino y dicon
e diferencia den nan ta esencial pa mantene equilibrio entre e
sexonan.
E di tres dia tabata uno di relajacion, Shamila Thijsen a presenta
e beneficionan di aromatherapia, mientras ofreciendo produc-
tonan pa test y tambe cumpra.
E di cuater dia a wordo maneha dor di miembro di famia di e
resort. Naisa Nurse a comparti ideanan pa Biba Saludabel, e.o.
conscientisando nos mes di loke nos ta come y con nos ta maneha
nos bida, inspira pa su propio experiencia.
E dia final a conclui cu un sesion di ehercicio guia pa Coach Fa-
bricio, kende tambe a duna un charla cortico. El a elabora riba e
importancia di actividad fisico y con esaki ta beneficia nos bida
diario.
Riba e dia final di Health Week, cinco colega a gana premionan di
rifa, den forma di gift certigicates, ofreci pa sponsornan generoso:
Marlyn de Oliveira - Citro Spa, Jason Martijn y Diego van Kem-
pen - Superfood, Catherine Martinez - La Cabana Health Club y
Lynette do Nascimento - Islander Bar & Grill.
Masha danki na tur presentante p’e tempo valioso, y pabien n’e
ganadornan. Exito n’e team completo riba nan caminda pa un
bida mas saludabel cada dia.
