Page 49 - HOH

ORANJESTAD (AAN) – Despues cu un medio local na Hulandes a publica un articulo,
tocante un posible fraude den Laboratorio di Hospital, Minister di Salud sr. Dangui
Oduber a dirigi varios carta na e Hunta di Supervision di HOH, dunando instruccion pa
haci un investigacion di inmediato, locual a tuma lugar tambe.

E informe di loke tabata pasando den Laboratorio a leak, y a mustra di comienzo cu e
ta un caso hopi serio y espantoso cu a worde detecta na Laboratorio di Hospital di e isla
aki.

Esaki a bira un di e tantisimo casonan cu den pasado a yega di worde raporta
extensivamente den prensa di Aruba, incluyendo DIARIO.

E ultimo acusacion ta cu e Director di Laboratorio na Hospital di Aruba (un Hulandes
Europeo), a setup su mesun Laboratorio na su cas na Hulanda, y eynan e tabata manda
haci test for di Aruba.

Tin informacion preliminar ta mustra cu e Director aki a lanta su propio compania di
Laboratorio y registra esaki na su adres di cas na Delft, Hulanda.

Teoreticamente e testnan di Aruba ta worde manda cu avion pa Hulanda na e adres na

Delft. Y e compania na Delft ta manda e factura pa cobra na Aruba. Sinembargo tin
indicacion cu ni un rato e testnan aki a worde poni riba avion y manda pa
Hulanda. Nan a djis keda na Aruba, y somewhere riba e isla aki mes ta haci e testnan

aki.

Dialuna mainta, Ministro di Salud, Dangui Oduber a bisa cu investigacion a start. E
mandatario a sigui splica cu tabata necesario pa haci un investigacion forensico, cual a
cuminza y ya caba tin dos empleado suspendi y nan tin prohibi pa drenta Hospital.

Esnan haya responsable tin cu asumi e consecuencianan, segun e dignatario a acentua.

Pronto e investigacion forensic aki lo yega su final, y na e momento oportuno, Minister
Dangui Oduber lo comparti cu prensa, pa informa pueblo tocante e resultado di esaki.

https://www.diario.aw/2019/08/dos-empleado-suspendi-despues-di-investigacion-forensico-na-
laboratorio-hoh/