Page 52 - HOH

ganashi despues di haci tur e gastonan, manera paga premio, paga trahador,
operacional y mantencion, y 11 miyon ta bay pa Canada.

Den e fundacion nobo esaki lo ta net contrario, segun e dignatario. Deporte ta bay haya

su “fair share” y e grupo cu lo maneha e lotto cu tin derecho tambe di gana placa, pero
e verhouding pasobra na e momentonan aki no tin un reparticion husto y ehemplonan
tin na cantidad, cu e fondonan ta wordo mal uza.

E statuto pa e Fundacion Nacional pa Recreacion y Salud ta cla, y e siman aki lo wordo
formaliza pa Notario, y na mesun momento e ley lo wordo entrega door di fraccion di
MEP na Parlamento, pa asina e cambio di ley necesario pa bin cu un di dos lotto,
pasobra aworaki e ley cu tin ta duna exclusividad na Fundacion Lotto pa Deporte. “E

exclusividad a yega te aki y aworaki ta bay bin competencia. Competencia ta sano y ta
saludable y e comunidad tin e escogencia di cumpra un lotto cu e placa ta bay pa un
grupo Canades of cumpra e lotto nobo cu ta lotto pa pueblo, y cu deporte ta bay haya

su reparticion husto manera mester ta” Minister Dangui Oduber a expresa.

El a señala cu esaki tabata e proposito di Lotto pa Deporte tempo cu wordo funda pa
MEP y cu transcurso di tempo e contrato a wordo renegocia, y cu aworaki tin un
contrato mara na Canadian Bank Note te aña 2026 y cu ta desventahoso pa Pais Aruba

y pa e deportistanan.

E dignatario ta spera cu e fundacion nobo aki conta cu e sosten total di nos comunidad,

independientemente di cualkier color politico cu e cumpradornan por tin.

https://www.diario.aw/2019/08/e-siman-aki-lo-formaliza-e-fundacion-nacional-di-recreacion-y-salud-
cerca-notario/