Page 33 - FDLP
P. 33
Cu hopi duele y dolor na nos curason Aruba Softball Bond lo mester bisa ayo te despues
na un ser hopi keri kende semper a traha pa softball boluntariamente sin importa nada a
cambio.
Chin Thiel recientemente riba su fecha natal 17 di Augustus ultimo cumpliendo su di 70
aniversario a wordo homenagia y reconosi pa Aruba Softball Bond cu e campeonato
oficial 2018 dedica na su honor. Chin sinenbargo tabata den hospital pero nunka nos por
a biba pensa cu algun dia despues Chin lo bay laga nos. Tanto Endy Croes Presidente di
Aruba Softball Bond y Chipen Chirino vice presidente di ASB a bishita Chin Thiel un dia
promer cu el a bay laga nos. Chin un cuidadano di Warawara hopi keri kende desde
hoben a practika deporte y despues a bira dirigente. Desde 1979 Hyacintho Chin Thiel a
drenta bestuur di Aruba Softball Bond y a traha encansablemente te cu awor. Chin un
homber humilde di Sta Cruz cu un caracter noble semper kla pa yuda. Recordando Chin
Thiel durante diferente reunion semper e ta skerpi y ta para pa lokual e ta kere aden.
Chin a representa Aruba como miembro di Directiva y Hefe di Delegacion pa hopi aña
largo na diferente pais rond mundo.
Un di e ultimo potretnan cu nos a logra compila ta Chin hunto cu Selecion Masculino na
Bogota Colombia na aña 2015 unda Selecion a logra un medaya di BRONZE den
campeonato di CONSURSA. Nos por recorda e alegria cu a brota for di curason di Chin
Thiel momento cu Aruba a derota Panama pa conquista dicho medaya. Ta momentonan
inolvidabel y nunka nos a biba pensa cu esey lo tabata Chin Thiel su ultimo biahe cu un
selecion di Aruba como dirigente hunto cu su amigo di añas Chipen Chirino y Endy
Croes. Directiva di Aruba Softball Bond Endy Croes, Francisco Chipen Chirino,
Andresito Krozendijk, Roy Geerman, Estefano Croes, Pierre Croes, Franklin Odor hunto
