Page 8 - ON

Studiantenan di Colegio entusiasma cu proyecto pa stimula
nan Hulandes

Friday, 24 March 2017 08:46
Comparti

Francine Pieternella ta den V4 na Colegio Arubano y a conta cu na prome instante a tende di e proyecto
caminda cu di biaha el a pone su mes disponibel pa e proyecto. Akinan tin cu lesa 4 buki. Na Hulanda e 4
bukinan aki a gana tur tipo di premio. Akinan ta lesa cuater buki.

Pieternella a kies pa esaki pasobra e gusta lesa buki. Hulandes ta un reto, pasobra e ta un idioma tiki
moeilijk, compara Ingles por ehempel. El a splica cu el a cuminsa lesa e bukinan na Hulandes, por drecha
su Hulandes, den caso si mester bay studia eynan. E cuater bukinan aki tin cu lesnan y despues di cada
buki a cuminsa planea for di September/October cu e proyecto. Despues di cada buki cu lesa, ta bin
hunto na scol y ta bespreek e buki, ta indica su si of no a gusta e buki, kico a gusta di e buki y ta traha
manera un verslag di dje. A haci un ultimo buki mas of menos un siman atras y a scoge cua ta e buki
preferi. Esey tabata “Jij Zegt Het”, di Connie Palmnan y tambe na Hulanda a wordo scogi como un buki
bon lesa. Con prepara Pieternella a splica cu ta bayendo Hulanda pa un intercambio pasobra e muchanan
di Tilburg tambe a lesa e cuater bukinan aki y ta bay eynan y ta bay tin un intercambio cu e scol. Ora cu
bay eynan, ta bay haci un opdracht. E opdracht no sa precies kico e ta, pero manera cu yega, ta bay haya
mas informacion kico tin cu haci riba cua buki, of cosnan asina. Les Ora cu bay e scol, ta bay tin full un
planning. Tin dia ta bay e scolnan mes pa haya les pa wak con e scol ta na Hulanda. Ta bay bishita museo,
ta bay bishita Universidadnan pa sa con e bida na Hulanda ta, con e scolnan ta, si e ta mesun cos cu
Aruba, si e ta diferente, cosnan asina, Pieternella a splica. Mehoracion di Hulandes Marcelo Jacobs ta
den V5 y a tumando parti di e grupo cu e intercambio pa Hulanda.

Algun siman pasa, algun mucha di Hulanda cu tambe ta doe mee na e proyecto, a bin Aruba. Experiencia
E experiencia aki a habri nan wowo. Semper nan tabata papia cu skype riba nan y nunca a haya un bond
cu nan. Pero ora cu nan a bin, no tabata tin un diferencia entre con nan ta bay, kico nan ta papia, con nan
ta, con nan Hulandes ta y a bond basta bon den un siman. A siña hopi cos. Nan a bin na Colegio y a doe
mee na e lesnan y a mira con e scol ta, con Aruba ta, nan a mira con nos cultura ta y a siña hopi di nos
cultura. Ora cu nan a bay, tur tabata na lagrima, segun Jacobs. Na final tur a keda cu un banchi chikito.
Bisando Colegio Arubano, esnan di Adolfus College, tambe tin nan banchi chikito. E alumnonan cu ta
participa den e proyecto aki, nan tur kier bay studia na Hulanda. Cu e experiencia cu nan ta bay Tilburg,
nan lo bay sigu bay wak otro luganan. Ta bay wak con eigenlijk Hulanda ta. No tur di nan a yega di bay
Hulanda y lo ta un experiencia basta grandi pa nan. Stimula otro hoben No tur di e hobennan aki ta tuma
Hulandes na serio. Awerndia ta papia Inges, papiamento, pero mas tanto Ingles, pasobra tur cos riba
internet ta na Ingles. Pero mester pensa y realisa cu tur mester di sa Hulandes bon, pasobra ora cu bay
Hulanda, esey ta e unico cos cu ta bay yuda eynan. Aunke tin hende ta bisa cu tin opcion na Ingles, pero
mester caba Colegio cu e diploma na Hulandes. Mester haci posibel pa por siña Hulandes miho posibel.
Tempo cu Jacobs a drenta e grupo, e tabata tin na mente pa e drecha su Hulandes. Pa e otro muchanan,
ora nan realisa cu nan Hulandes mester wordo drecha, e ora nan mes lo stimula nan mes y tur lo sa
tambe.