Page 34 - ATA
P. 34
ENTRANTE DIAMARS AWO
AVIONNAN PRIVA FOR DI
VENEZUELA POR BAHA NA
ARUBA
4 July, 2019, 6:24 pm
E desaroyo cu tin pa loke ta e apertura di frontera di Venezuela, sigur pa W Aviation ta
hopi alentador. Richard Helder, e persona responsabel pa W Aviation, a comenta cu e
prome seis lunanan di e aña aki no tabata facil.
Na comienso di aña Venezuela a cera su fronteranan pa un tempo basta largo. Manera cu
a habri bek, W Aviation tabata operando normal bek. Despues di un momento pa otro,
Venezuela a bolbe cera su fronteranan. Na momento cu nan a habri frontera, Aruba a cera
su fronteranan. E seis lunanan aki no tabata facil pa nan.
Sigur, W Aviation ta aprecia tur departamento di Gobierno concerni y Gobierno mes pa
duna nan e oportunidad y confiansa cu nan por sigui opera y duna servicio na nan
clientenan internacional y local.
Semper y cuanto tin cu bay ehecuta tur e condicionnan rekeri pa siguridad di General
Aviation y di Aruba mes na prome luga.
