Page 36 - ATA

Nunca den e dos añanan cu W Aviation ta bay haci, no a haya ningun caso di asilo. E tipo

di clientenan cu nan ta handle eynan, ta un otro tipo di cliente. Hendenan cu ta baha cu

nan propio avion. No ta avionnan cu ta AOC. Nan ta doñonan di avion cu ta bin cu nan

famia of nan ta bin pa negoshi. Nan ta keda algun dia of un siman y nan ta bay bek. Ta

full un otro tipo di comerciante cu ta baha eynan, compara cu e parti comercial. W

Aviation tin cu percura pa e FBO. Esaki ta bay ta nan tarea y nan ta bay haci’e bon pa

mustra e confiansa y oportunidad cu nan a ricibi di parti di Gobierno, caminda cu cada un
trahado ta aprecia esey y ta contento cun’e.

Entrante diamars awo, a base di un carta di Gobierno, por cuminsa opera, cual nan ta bay

habri frontera pa FBO. Pa e parti transito tambe nan ta bay habri pa Aruba Airlines. Awo

nan por bula for di cua parti di Venezuela cu ta pa e FBO, baha na Aruba. Ora cu nan
baha, tin algun documento cu nan tin cu firma prome cu nan drenta paden, pa asina e

instancia por proteha nan mes riba e condicionnan rekeri cu Gobierno a pone pa nan, cual

nan no tin ningun problema cu esey tampoco.