Page 12 - ARENDS

Parlamentario Clarisca Velasquez Un Aruba nobo Ta parse cu
nos na Aruba ta bibando un sonjo pero e ta un realidad con
nos gobierno ta transformando nos pais

Wednesday, 08 March 2017 08:31
Comparti

Ta parse cu nos na Aruba ta bibando un sonjo pero e ta un realidad con nos gobierno ta transformando
nos pais. Un pais cu na anja 2009 tabata den un decadencia awe nos por ta orguyoso con Aruba a wordo
transforma den e ultimo 8 anjanan. E vision cu Mike Eman tin pa nos Aruba ela cristalise den
projectonan cu awe nos Aruba dia pa dia ta bira mas bunita.

projectonan cu gobiernonan pa mas di 30 anja a papia riba dje Mike Eman a cristalisa y ehecuta nan tur
cu awe nos por mira un hospitaal di cinco streya kedando cla pa nos pueblo, nos por ta orguyoso di nos
containerhaven di cinco streya na Barcadera, cu nos Green Corridor ta kedando cla pa asina alivia nos
hendenan cu tur dia mester sali for di pariba di brug pa bai traha parti pabou di nos isla. Cu e vision di
muda e waf pa Barcadera ta haci cu mester ehecuta e ringweg Watty Vos Boulevard pa asina por
transporta carganan pa sector hotelero. Cuatro projecto grandi cu gobiernonan semper a papia riba dje
pero no tabatin e curashi pa ehecuta nan. E gobierno aki Mike Eman ta logra ehecuta nan tur
demostrando na henter mundo y reino cu e gobierno aki ta e gobierno cu mas a logra pa nos isla. E
gobierno cu a transforma nos pais den e isla modelo pa mundo. E unico gobierno stabil den reino
Hulandes.

Aruba a bira frontrunner den hopi aspecto y nos ta orguyoso di esaki. E unico pais den reino cu a saca su
mes padilanti sin ningun ayudo financiero riba propio forsa. Cada cu nos hendenan cu tin anjanan ta
biba den exterior jega Aruba nan ta bisa cu Aruba ta bira mas bunita cada dia. Esaki ta e realidad y nos
tur ta orguyoso di esaki. Con mas orguyoso nos por ta mirando cu nos isla a wordo nombra pa agencia
nan importante pa e destinacion number uno den caribe. Con mas orguyoso nos por ta hanjando e
noticia cu nos eagle beach a wordo nombra e beach number 3 di mas bunita di mundo. Tur e
galardonnan aki no ta por nada nos ta ricibi nan. Ta pasobra nos gobierno ta haciendo e cosnan corecto
pa embeyese nos pais pero tambe pa propaganda nos isla debidamente. Nos tin practicamente un Aruba
nobo si bo compare cu nos Aruba den decadencia cu nos a hereda na anja 2009. Ora bo tin pueblo y pais
na pecho e cosnan aki ta pasa. Pabien Aruba!