Page 9 - ARENDS
P. 9
Fraccion di AVP: En coneccion cu Dia di hende muher 8 di
maart Ta honra un gran dama baluarte di AVP sra. Digna
Lacle-Herrera
Wednesday, 08 March 2017 08:28
Comparti
Riba dia di hende muher damanan di fraccion di AVP a bishita un gran baluarte dama cu a sirbi nos pais
Aruba den parlamento 30 anja pasa cu ta sra Digna Lacle-Herrera. Sra Digna Lacle-Herrera a milita den
fila di AVP for di aña 1979, pero ta cu su 22 aña sra. Digna tabata miembro activo di Partido di Pueblo
Arubano, AVP.
Un señora hopi dominante, critico, diplomatico y inteligente cu ta para pa nivel den parlamento. Un
señora cu a stima politica pa sirbi su pueblo. Te ainda sra. Digna ta sigui politica local y internacional tur
dia. Sra Digna Lacle-Herrera a fungi como lider di fraccion di AVP den e prome parlamento di Aruba na
anja 1986 y el'a keda lider di fraccion di AVP pa e siguiente 3 añanan. Esaki den temponan cu casi no
tabatin hende muher activo den politica. E tabata pues un ehempel y inspiracion pa hopi hende muher cu
a sigui su pasonan den politica. Sra Digna awe ta conta cu 91 aña y ainda cu hopi pasion pa politica local
y international. Sra Digna a keda masha contento cu bishita di damanan di fraccion di AVP na su cas.
Ainda ta recorda su experiencianan grato den parlamento. Damanan di fraccion di AVP a comparti un
atardi ameno cu sra Digna contando su experiencianan. A gradici sra Digna pa su bon trabao den partido
AVP, den Parlamento di Aruba y tambe e bon ehempel cu ainda e ta pa nos hende muhernan den
comunidad.
