Page 18 - HOH

pa negosha e contracto colectivo cu ta di un periodo di tres aña. Esey no ta nifica cu tur

situacion, tur problema a resolve, pero na final tur partido a compronde cu ta na mesa e

discusionnan tin cu cuminsa y caba. Den e caso ki sr. Cilie tabata tey como director

medico cu a keda encarga cu e negociacionnan y su ekipo negociador.

Di parti di sindicato cu nan a expresa nan preocupacion cu diferente di e personanan cu

tabata na mesa di negociacion no lo bay tey. Sigur e director financiero y tambe e director

financiero suplente. Nan a wordo garantisa cu tin e personanan necesario pa atende cu e

negociacionnan den e proximo simannan, segun Pontilius. E director financiero, Theo de

Kool, tabata esun cu tabata negosha e CAO. Den e caso aki, segun Pontilius, nan a yega

na un acuerdo y termina e relacion di trabao cu de Kool. Den negociacion ningun hende

ta indispensabel y cada compania ta pone e team cu ta cualifica pa negociacionnan.

Den e caso di hospital, ta evidente cu hospital ta haya su fondonan for di AZV y ta e

fondonan ey ta pone disponibel pa negosha un contracto colectivo. Den e caso aki, no ta

facil pa motibo cu bo tin un hospital di rond di 1000 trahado, den cual gran parti di nan, e

contracto colectivo, su condicionnan di trabao ta aplicabel pa nan.

E ta un tarea no facil pa ningun di e partidonan. Pero ta pesey ta na mesa y pa e rasonnan

ey tambe mester por sali, manera tur otro biaha a sali cu un contracto colectivo pa e

proximo añanan. Y mas cu tur cos a palabra un frecuencia cu gerencia di hospital,

dirigentenan di ABV, dirigentenan di Raad van Toezicht ta keda den contacto

permanente pa preveni discusionnan cu ta start na November y mester por a wordo evita.