Page 16 - BNDIA ARUBA

A16 HENDE
Diahuebs 15 augustus 2019

Diamond International cu “Lend a hand project”

ORANJESTAD - Empleado nan di Diamonds In-
ternational Aruba a completa nan di 8 proyecto
di ‘Lend a Hand’ recientemente na Fundacion Pa
Nos Comunidad. ‘Lend a Hand’ ta un proyecto
di e empleadonan di e compania cu ta concen-
tra den desaroyo di nos economia, residentenan
y area nan cu tin necesidad. Pa e di 8 edicion di
e proyecto aki a kies Fundacion pa nos Comuni-
dad.

FPNC ta un fundacion cu ta apoya gruponan di menos
recurso y ta haci iniciativanan boluntariamente den e
comunidad Arubano. Durante su añanan di existencia,
e fundacion a prove’e paketenan di cuminda na mas di
3000 famia di e comunidad Arubano cu ta biba bou di
e normanan di bida. FPNC por haci esaki unicamente
cu e apoyo financiero cu nan ta ricibi di e sociedad Aru-
bano.
FPNC su proyecto di mas grandi ta e ‘Food Bank’.
Almanecamiento di productonan di cuminda, paña,
mueblenan y tur otro articulonan pa e necesidad ba-
sico. Na e mes momento ta traha duro pa evita e parti
desperdicio di cuminda of otro productonan.

Management team di Diamonds International Aruba
kier a gradici un biaha mas na e ‘Lend a Hand team’ pa
e tremendo teamwork cu nan a demostra. Mas ainda,
Diamonds International Aruba ta gradici e fundacion
FPNC pa habri nan porta y duna Diamonds Interna-
tional Aruba e oportunidad pa haci e contribucion na
nan fundacion.

Si bo tin un proyecto cu por wordo beneficia door di
e ‘Lend a Hand’ team, por fabor tuma contact cu nos
na aruba@shopdi.com. Tambe por yama na 588.0443
of busca nos riba Facebook, Diamonds International
Aruba.