Page 20 - BNDIA ARUBA

A20 DEPORTE
Diahuebs 15 augustus 2019

Royal Power Tat Fat Home Depot Campeon AA 2019

ORANJESTAD - Campenato Heineken fast pitch di
Aruba Softball Bond a yega na su final den categoria
AA masculino. Esaki a sosode ora cu Royal Power Tat
Fat Home Depot ta derota Macuarima Spark Elektra
6-4 den nan ultimo wega y ta “sweep” e serie final 3-0.

Macuarima ta pica ariba 1-0 den cabes di prome inning contra
e pitcher habrido Kelvin Silvania. Royal Power ta reacciona
mesora riba Carlos Croes y ta empata e wega 1-1. Macuarima
ta rally pa dos careda mas pa bay ariba 3-1. Den bom di 4
inning Royal Power ta responde cu 3 careda mientras Macu-
arima no ta baha cabes y ta score 1 careda den cabes di 6. Royal
Power finalmente ta logra gana e wega 6-4 y ta celebra nan
campeon invicto den AA. Royal Power 6 careda, 8 hit, 1 eror
y ta laga 6 coredo na base. Macuarima 4 careda, 5 hit, 3 eror y
ta laga 12 coredo den circulacion. Miho batiadonan pa Roy-
al Power ta Guyon Cannister di 2-2 cu 3 careda impuha cu
hitnan oportuno, Eldrick Dijkhoff, Kelvin Silvania, Mitchel
Martis y Giandrick Lacle tur a bay di 2-1 cu un doblete, Aigil
Brete a bay di 3-1.

Pa Macuarima a destaca na bate Carlos Croes di 3-2 cu dos
careda impuha, Ray Bernabela di 2-2 y Michael Fingal di 3-1.
Jair Thompson ta drenta den tercer entrada relevando Kelvin
Silvania y ta seya e victoria riba su nomber. Kelvin Silvania a
bay 3 inning enfrentando 20 batiado, tirando 41 bola, 38 strike
pa un total di 79 pitch permitiendo 3 careda tras di 3 hit re-
galando 7 base por bola ponchando 4 batiado. Jair Thomspon
ta enfrenta 17 batiado ponchando 9 di nan tirando 27 bola, 47
strike pa un total di 74 lansamento. Jair ta permiti 1 careda tras
di 2 hit y 2 base por bola. Carlos Croes di Macuarima Spark
Elektra mester conforma su mes cu e derota enfrentando 30
batiado tirando 37 bola, 59 strike pa un total di 96 pitch per-
mitiendo 6 careda tras di 8 hit mas 3 base por bola propinando
solamente 1 strike out. Cu e resultado aki Royal Power ta cel-
ebra un otro titulo di campeon den fast pitch AA aki na Aruba.
Pabien na Royal Power, Pabien na Macuarima, pabien na e
deporte di softball cu ta super activo den 2019. Danki na tur
cu a aporta tanto veldnan, dirigentenan di directiva y esun-
nan cu ta na warda cada wega, umpires, scorers Heineken y
Subsidie Commissie.